નવી દિલ્હી :છેલ્લી લોકસભા ચૂંટણીમાં સપા માત્ર પાંચ સીટો જીતી શકી હતી. આ વખતે યુપીમાં સપા 37 સીટો જીતીને સૌથી મોટી પાર્ટી બની છે

  આ લોકસભા ચૂંટણીમાં ઈન્ડિયા એલાયન્સે યુપીમાં જબરદસ્ત પ્રદર્શન કર્યું છે. લોકોએ અખિલેશ યાદવ અને રાહુલ ગાંધીને ખૂબ પસંદ કર્યા છે.

  નરેન્દ્રભાઈ મોદી સતત ત્રીજી વખત વડાપ્રધાન તરીકે શપથ લેવા જઈ રહ્યા છે. કહેવામાં આવી રહ્યું છે કે મોદી 3.0 કેબિનેટમાં 55-60 મંત્રીઓને સ્થાન આપવામાં આવી શકે છે, જેમાં JDU અને TDPને મહત્વ આપવામાં આવશે.

  આ લોકસભા ચૂંટણીમાં ભાજપ પોતાના દમ પર બહુમતીનો આંકડો સ્પર્શવામાં નિષ્ફળ રહ્યો હતો. તેનું સૌથી મોટું કારણ એ છે કે ઈન્ડિયા એલાયન્સે ઉત્તર પ્રદેશમાં જબરદસ્ત પ્રદર્શન કર્યું અને 80માંથી 43 બેઠકો જીતી. 

   ઉત્તર પ્રદેશમાં NDA માત્ર 36 સીટો જીતી શકી. આ વખતે, કોંગ્રેસે યુપીમાં શાનદાર પ્રદર્શન કર્યું છે, જેનો શ્રેય રાહુલ ગાંધીને આપવામાં આવે છે, જેમણે અખિલેશ યાદવ સાથે મળીને વિશાળ રેલીઓ યોજી હતી. 

  CSDSએ આ સર્વે લોકસભા ચૂંટણી પૂરી થયા બાદ કર્યો છે. શરૂઆતથી અત્યાર સુધીની કોઈપણ લોકસભા ચૂંટણીમાં સપાનું આ સર્વશ્રેષ્ઠ પ્રદર્શન છે, જેનો સંપૂર્ણ શ્રેય અખિલેશ યાદવને આપવામાં આવે છે. 

  સીએસડીએસના સર્વે અનુસાર ઉત્તર પ્રદેશમાં પીએમના ચહેરા માટે રાહુલ ગાંધીને પ્રથમ પસંદગી તરીકે પસંદ કરવામાં આવ્યા હતા. સર્વે અનુસાર યુપીમાં 36 ટકા લોકોએ રાહુલ ગાંધીને પસંદ કર્યા અને 32 ટકા લોકોએ નરેન્દ્રભાઈ  મોદીને પીએમ માટે તેમની પ્રથમ પસંદગી તરીકે પસંદ કર્યા. 

  ઉત્તર પ્રદેશમાં આ લોકસભા ચૂંટણીમાં સપા સુપ્રીમો અખિલેશ યાદવ અને પૂર્વ કોંગ્રેસ અધ્યક્ષ રાહુલ ગાંધીની જોડીને ખૂબ પસંદ કરવામાં આવી હતી. યુપીમાં વર્ષ 2027માં વિધાનસભાની ચૂંટણી યોજાવા જઈ રહી છે, તેથી ભાજપ માટે આ ચિંતાજનક સમાચાર સાબિત થઈ શકે છે.