નવી દિલ્હી : લોકસભા 2024 ના પરિણામો પછી, NDA ને બહુમતી મળી અને નરેન્દ્રભાઈ મોદીની જીત માત્ર ભાજપ અને તેના મતદારો સુધી મર્યાદિત નથી, અમે તમને જણાવી દઈએ કે 'ઓવરસીઝ ફ્રેન્ડ્સ ઑફ બીજેપી' (ઓએફબીજેપી-યુએસએ) ના વરિષ્ઠ લોકો પણ તેની ઉજવણી કરશે. 

 અમેરિકામાં નેતાએ કહ્યું કે નરેન્દ્રભાઈ  મોદીના સમર્થકો તેમનો ત્રીજો શપથ ગ્રહણ સમારોહ ઉજવશે. મોદીનો ત્રીજો શપથ ગ્રહણ સમારોહ ન્યૂયોર્ક, જર્સી સિટી, વોશિંગ્ટન, બોસ્ટન, ટેમ્પા, એટલાન્ટા, હ્યુસ્ટન, ડલ્લાસ, શિકાગો, લોસ એન્જલસ અને સાન ફ્રાન્સિસ્કો જેવા શહેરોમાં ઉજવવામાં આવશે.

  OFBJP-USAના પ્રમુખ અદાપા પ્રસાદે પીટીઆઈને જણાવ્યું હતું કે, "આ શુક્રવારથી આવતા રવિવાર સુધી યુએસના 22 શહેરોમાં તેમની જીતની ઉજવણી કરવામાં આવશે." ચૂંટણી પ્રચાર દરમિયાન લોકોમાં જાગૃતિ લાવવા માટે OFBJP-USA સભ્યોએ અમેરિકાના ઘણા શહેરોમાં કાર રેલીઓ કાઢી. ભારતીય જનતા પાર્ટી (BJP) લોકસભામાં સૌથી મોટી પાર્ટી છે અને 1962 પછી આ પ્રથમ વખત છે કે જ્યારે કોઈ વડાપ્રધાન સતત ત્રીજી વખત સત્તામાં આવ્યા હોય. મોદી સતત ત્રીજી વખત વડાપ્રધાન તરીકે શપથ લેશે, જે 60 વર્ષમાં પ્રથમ વખત હશે.

   પ્રસાદે કહ્યું કે ભારતમાં નવી સરકારની રચના બાદ OFBJP-USA ભારત-અમેરિકા સંબંધોને વધુ મજબૂત બનાવવાની દિશામાં કામ કરશે. "અમે ભારત-યુએસ સંબંધોને મજબૂત કરવા માટે ભારતીય ડાયસ્પોરાને એક કરીશું," 

  તેમણે ઉમેર્યું હતું કે, તેઓ વિદેશી ભારતીયોને લગતા તમામ મુદ્દાઓ માટે બિન-નિવાસી ભારતીય (NRI) કમિશનની સ્થાપના કરવા માટે પણ વિનંતી કરશે.

  પ્રસાદે જણાવ્યું હતું કે મોટી સંખ્યામાં વિદેશમાં રહેતા ભારતીયોને પ્રોપર્ટી સંબંધિત સમસ્યાઓનો સામનો કરવો પડે છે અને બેંકના હસ્તાક્ષર મેચ કરવા જેવી નાની સમસ્યાઓનો પણ સામનો કરવો પડે છે. તેમણે કહ્યું, "અમે એનઆરઆઈ કમિશનની સ્થાપનાની માંગ કરી રહ્યા છીએ, જે આ મુદ્દાઓને ઉકેલશે."