નવી દિલ્હી:આંતરરાષ્ટ્રીય તેલ બજાર અને વૈશ્વિક અર્થતંત્રના હોશ ઉડાડી દેતો, અરેરાટી બોલાવી દેતો અને કાનમાંથી ધુમાડા કાઢી નાખે તેવો અતિશય વિસ્ફોટક તથા પિશાચી ખેલ સામે આવ્યો છે! ડોનાલ્ડ ટ્રમ્પના માત્ર એક જ કાળમુખા ઈશારા અને આક્રમક નિવેદનથી વૈશ્વિક બજારમાં ક્રૂડ ઓઈલની ભડકે બળતી કિંમતોનો સટાકથી કૂચડો બોલાઈ ગયો છે અને તેલના ભાવ ગગડીને ફરી પ્રતિ બેરલ ૧૦૦ ડૉલરની નીચે પટકાઈ ગયા છે.
અમેરિકન પ્રમુખ ડોનાલ્ડ ટ્રમ્પે એક તરફ ઈરાનને કોઈ પણ પ્રકારની સમજૂતી ન થવાની સ્થિતિમાં 'સંપૂર્ણપણે તબાહ' કરી દેવાની કડક ચેતવણી આપી છે, તો બીજી તરફ ઓઇલના ભાવ ઝડપથી ઘટવાની ભવિષ્યવાણી પણ કરી છે. યુએનજીએ (UNGA)માં સામેલ થયેલા ટ્રમ્પે ઈરાનને ચેતવણી આપ્યાના થોડા જ કલાકોમાં અમેરિકા અને ઈરાન વચ્ચે ઉચ્ચ સ્તરીય બેઠક યોજાઈ હોવાની વાત શેર કરી હતી. આ બેઠક બાદ તેમણે દાવો કર્યો હતો કે આગામી સમયમાં ક્રૂડ ઓઇલની કિંમતોમાં ભારે ઘટાડો જોવા મળશે.
અમેરિકા અને ઈરાન વચ્ચે ચાલી રહેલી વાતચીત અને ટ્રમ્પના દાવાની અસર તરત જ બજાર પર જોવા મળી છે. આંતરરાષ્ટ્રીય બજારમાં બ્રેન્ટ ક્રૂડ ઓઇલની કિંમત ઘટીને 98 ડૉલર પ્રતિ બેરલની આસપાસ આવી ગઈ છે. આ ઉપરાંત ડબલ્યુટીઆઈ (WTI) ક્રૂડ ઓઇલ 89 ડૉલર પ્રતિ બેરલ સુધી ગગડી ગયું છે, જ્યારે મરબન ક્રૂડ ઓઇલ પણ ઘટીને 108 ડૉલર પ્રતિ બેરલની આસપાસ પહોંચી ગયું છે. અગાઉ આ તમામ કિંમતો 100 ડૉલરથી ઉપર ચાલી રહી હતી, જેના કારણે આયાત પર નિર્ભર દેશોમાં મોંઘવારીનું જોખમ વધી ગયું હતું.
એક તરફ ક્રૂડ ઓઇલના ભાવ ક્રેશ થઈ રહ્યા છે, તો બીજી તરફ ઓઇલ માર્કેટને પ્રભાવિત કરનાર હોર્મુઝ સ્ટ્રેટને ખુલ્લી મુકવા માટે ઈરાને એક શરત મૂકી છે. ઈરાની અધિકારીના જણાવ્યા અનુસાર, જો અમેરિકા સૈન્ય દબાણ ઓછું કરે અને ઈરાની બંદરગાહો પરથી નાકાબંધી હટાવી લે, તો આગામી સાત દિવસમાં હોર્મુઝ સ્ટ્રેટને ફરીથી ખોલી શકાય છે. તેહરાન ઈચ્છે છે કે વાશિંગ્ટન સત્તાવાર રીતે સ્પષ્ટ કરે કે તે રાજદ્વારી ઉકેલ ઇચ્છે છે.