નવી દિલ્હી:કેન્સર સંશોધન અને વૈશ્વિક મેડિકલ વિજ્ઞાનના ક્ષેત્રમાંથી સમગ્ર માનવજાતના હોશ ઉડાડી દેતો, અરેરાટી બોલાવી દેતો અને કાળજું કંપાવી દેતો એક અત્યંત ચોંકાવનારો અને કાળમુખો ધડાકો સામે આવ્યો છે! અત્યાર સુધી અત્યંત અસાધ્ય અને કાળમુખું ગણાતા મગજના કેન્સર (Brain Cancer) સામે વૈજ્ઞાનિકોએ એવી પિશાચી થેરાપી અને સારવાર પદ્ધતિ શોધી કાઢી છે, જે અત્યાર સુધી વપરાતી પરંપરાગત કીમોથેરપી કરતાં પણ પૂરી ૫ ગણી વધારે રાક્ષસી ઝડપે અસરકારક સાબિત થઈ છે.

મેડિકલ સાયન્સમાં મગજના સૌથી આક્રમક અને દવાઓ સામે પ્રતિકાર દર્શાવતા કિલર કેન્સર 'ગ્લિયોબ્લાસ્ટોમા' (Glioblastoma) સામે અમેરિકાની મેસાચુસેટ્સ ઇન્સ્ટિટયૂટ ઓફ ટેકનોલોજી લેબના વૈજ્ઞાાનિકોએ એક અભૂતપૂર્વ સફળતા મેળવી છે. સંશોધકોએ વાળની જાડાઈના ૧૦૦મા ભાગ જેટલા સૂક્ષ્મ ઈન્જેક્ટેબલ 'નેનો-એન્ટેના' તૈયાર કર્યા છે. જે શરીરની બહારથી મેગ્નેટિક ફીલ્ડ (ચુંબકીય ક્ષેત્ર) દ્વારા સક્રિય થઈને કેન્સરના કોષો પર સીધો પ્રહાર કરે છે. આ સંશોધન અહેવાલ વિજ્ઞાાન જગતની પ્રખ્યાત જર્નલ સાયન્સ એડવાન્સીસમાં પ્રકાશિત થયો છે. સંશોધન ટીમે આ નવીન વિજ્ઞાનને HITMAN (Highly-localized electric-field-induced tumor therapy using magnetically actuated nanoantennas) નામ આપ્યું છે. સામાન્ય રીતે ગ્લિયોબ્લાસ્ટોમા કેન્સરમાં સર્જરી, રેડિયેશન કે કીમોથેરાપી પછી પણ દર્દીનું આયુષ્ય સરેરાશ ૧૨ થી ૧૫ મહિના જ રહેતું હોય છે.

આ પરિણામ પરંપરાગત કીમોથેરાપી દવાની સરખામણીએ ૫ ગણાથી પણ વધુ અસરકારક સાબિત થયું છે.૧૫૦ નેનોમીટરની સાઈઝ ધરાવતા આ નેનો-એન્ટેના મગજમાં પહોંચાડયા બાદ ખોપરીની બહારથી ૨૦૦ કિલોહર્ટઝથી ઓછી ક્ષમતાવાળા લો-ફ્રિકવન્સી મેગ્નેટિક ફીલ્ડ દ્વારા એક્ટિવેટ કરવામાં આવે છે. ચુંબકીય લહેરો નેનો-એન્ટેના સાથે અથડાઈને બાયો-ઈલેક્ટ્રિક કરંટ પેદા કરે છે. કેન્સરના કોષોના ઝડપી વિકાસ અને અસામાન્ય મેમ્બ્રેન સ્ટ્રક્ચરને કારણે આ ઈલેક્ટ્રિક તરંગો માત્ર કેન્સર સેલ્સને પ્રોટીન અનફોલ્ડિંગ અને મેમ્બ્રેન ડેમેજ દ્વારા નાશ કરે છે. આ પ્રક્રિયા દરમિયાન આસપાસના સ્વસ્થ ન્યુરોન્સ અને બ્રેઈન ટિશ્યુને કોઈ જ નુકસાન થતું નથી.