નવી દિલ્હી: આફ્રિકા ખંડના મધ્ય ભાગમાં આવેલા ડેમોક્રેટિક રિપબ્લિક ઓફ કોંગોમાં ઘાતક અને લોહી ઉગાડતા ઇબોલા વાયરસનો પ્રકોપ બેકાબૂ બનતા આંતરરાષ્ટ્રીય સ્તરે ભારે ચિંતા વ્યાપી ગઈ છે. સત્તાવાર આંકડાઓ મુજબ કોંગોમાં ઇબોલા સંક્રમિતોની સંખ્યા એક હજારના આંકડાને પાર કરી ગઈ છે, જેમાંથી ૨૫૪ સંક્રમિતોના કમકમાટીભર્યા મોત નિપજ્યા હોવાની પુષ્ટિ થઈ છે. ગ્લોબલ એપિડેમિક કંટ્રોલ, ડબ્લ્યુએચઓ હેલ્થ ઇમરજન્સી એન્ડ વાયરસ સરવેલન્સ ડેસ્ક રિપોર્ટ મુજબ, ઇબોલા વાયરસના નવા વેરિઅન્ટના કારણે સંક્રમણની ગતિ અત્યંત ઝડપી બની છે, જે સ્પર્શ અને શારીરિક પ્રવાહી દ્વારા એક વ્યક્તિમાંથી બીજી વ્યક્તિમાં સેકન્ડોમાં ફેલાય છે. કોંગોના પછાત અને સંઘર્ષગ્રસ્ત વિસ્તારોમાં સેનિટાઇઝેશન અને પ્રોટેક્ટિવ ગીઅર વિના કામ કરતા સ્થાનિક તબીબો પણ આ રોગચાળાનો ભોગ બની રહ્યા છે.

વરિષ્ટ તબીબોનું કહેવું છે કે ભાગ્યે જ જોવા મળતાં બુંડી બુંગ્યો વિષાણુથી આ રોગ સામે કોઈ નિશ્ચિત રસી નથી મળી, કે નથી કોઇ ઔષધી પણ મળી.

ડેમોક્રેટીક રીપબ્લિક ઓફ કોંગો પાટનગર લીયો પોલ્ડ વિલો સ્થિત વહીવટ અધિકારીઓ જણાવે છે કે વાસ્તવમાં સંક્રમિતોની સંખ્યા આથી ઘણી વધુ હોઈ શકે છે. તેમજ આ રોગનું મોજું ફરી આવવાની ભીતિ રહેલી છે. વરિષ્ટ તબીબો કહે છે કે સૌથી મોટી મુશ્કેલી તો તે છે કે આ રોગ રોગીના શ્વાસ દ્વારા પણ ફેલાઈ શકે છે. તેથી તે રોગીના સીધા સંપર્કમાં ન હોય પરંતુ આસપાસ નજીક હોય તે બધા સંક્રમિત થઈ જાય છે. પ્રશાસન પૂરા પ્રયત્નો કરે છે પરંતુ બરફચ્છાદિત પર્વતોની ખીણોમાં રહેલાં નાના નાનાં ગામડાંઓ સુધી પહોંચવું એ રોગી વિશે તપાસ કરવી બહુ મુશ્કેલ કામ છે.