નવી દિલ્હીઃ ભારતના ભૌગોલિક અને પ્રાકૃતિક ઇતિહાસને હચમચાવી નાખતો અત્યંત વિસ્ફોટક, લોહીયાળ અને ચૌંકાવનારો વૈજ્ઞાનિક ખુલાસો સામે આવ્યો છે! દેશના વૈજ્ઞાનિકો અને સિસ્મોલોજિસ્ટોએ ચેતવણી આપી છે કે હિમાલય ક્ષેત્ર અને તેની આસપાસની ટેક્ટોનિક પ્લેટોમાં ભારે હલચલ મચી ગઈ છે. ભારતીય ટેક્ટોનિક પ્લેટ યુરેશિયન પ્લેટ તરફ અવિરતપણે ધકેલાઈ રહી છે અને દર વર્ષે તે અંદાજે ૫ સેન્ટિમીટર જેટલી આગળ ખસી રહી છે. આ સતત ઘર્ષણ અને જમા થઈ રહેલા બેફામ ભયાનક દબાણને કારણે હિમાલયની પર્વતમાળાથી લઈને સીધા રાષ્ટ્રીય રાજધાની ક્ષેત્ર (NCR) અને દિલ્હી સુધીની ધરતી નીચે ઉર્જાનો મોટો વિસ્ફોટ થવાની તૈયારીમાં છે.
હૈદરાબાદ સ્થિત નેશનલ જિયોફિઝિકલ રિસર્ચ ઇન્સ્ટિટ્યૂટ (NGRI)ના વૈજ્ઞાનિકોએ આ હલચલને સમજવા માટે એક સંશોધન કર્યું છે. જેમાં ગુરુત્વાકર્ષણ, ભૂકંપ અને સેટેલાઇટથી મળેલા આંકડાઓનો ઉપયોગ કરવામાં આવ્યો છે. સંશોધન મુજબ ભારતીય પ્લેટ તિબ્બતની નીચે લગભગ 100 કિલોમીટર સુધી પહોંચી રહી છે અને ઘણી જગ્યાએ આ પ્લેટ વળી રહી છે તેમજ તૂટી પણ રહી છે. આ રિપોર્ટ 'જિયોફિઝિક્સ ફોર એડવાન્સિંગ સિસ્મોલોજી'માં પ્રકાશિત થયો છે. ભારતીય પ્લેટ સતત ઉત્તર તરફ આગળ વધી રહી છે અને સામે યુરેશિયન પ્લેટ છે. બંને પ્લેટો વચ્ચે લાખો વર્ષોથી ટક્કર થઈ રહી છે, જેના કારણે જ હિમાલયનું નિર્માણ થયું હતું. જ્યારે બે પ્લેટો એકબીજા પર દબાણ કરે છે ત્યારે જમીનની અંદર ખડકો પર તણાવ વધે છે. આ તણાવ લાંબા સમય સુધી જમા થઈ શકે છે અને જ્યારે આ દબાણ અચાનક બહાર આવે છે ત્યારે ભૂકંપ આવે છે. સંશોધનમાં જાણવા મળ્યું છે કે ભારતીય પ્લેટ દરેક જગ્યાએ એક સરખી રીતે આગળ નથી વધી રહી; કેટલાક ભાગોમાં તે નીચે તરફ વળી રહી છે તો કેટલાક ભાગોમાં તૂટી રહી છે.