નવી દિલ્હી:ભારતના પડોશી દેશોની સરહદે સૈન્ય સંઘર્ષ અને રક્તપાતનો હોશ ઉડાડી દેતો, અરેરાટી બોલાવી દેતો અને કાનમાંથી ધુમાડા કાઢી નાખે તેવો અતિશય વિસ્ફોટક તથા પિશાચી કિસ્સો સામે આવ્યો છે! પાકિસ્તાની વાયુસેનાના ફાઈટર જેટ્સે અફઘાનિસ્તાનની સરહદી સીમાઓમાં ઘૂસીને એક પછી એક સટાકથી ૧૦-૧૦ કાળમુખી એરસ્ટ્રાઈક ઝીંકી દેતાં સમગ્ર મધ્ય અને દક્ષિણ એશિયાના સૈન્ય વર્તુળોમાં ભયાનક ખળભળાટ મચી ગયો છે! આ પિશાચી હુમલા બાદ કાબુલની તાલિબાન સરકારે પણ ઈસ્લામાબાદ સામે રાક્ષસી બદલો લેવાની વિસ્ફોટક ધમકી આપી દીધી છે.
પાકિસ્તાન અને અફઘાનિસ્તાન વચ્ચે ઇસ્લામિક આતંકવાદીઓના હુમલા અને સરહદ પારની ગતિવિધિઓને લઈને લાંબા સમયથી તણાવ ચાલી રહ્યો છે, જેના કારણે બંને દેશો વચ્ચે અગાઉ ફેબ્રુઆરી મહિનામાં પણ ભારે સંઘર્ષ જોવા મળ્યો હતો. ઇસ્લામાબાદ દ્વારા વારંવાર એવા આક્ષેપો કરવામાં આવે છે કે કાબુલ સરકાર પાકિસ્તાન વિરોધી આતંકવાદીઓને આશ્રય આપી રહી છે, જ્યારે અફઘાનિસ્તાનની તાલિબાન સરકારે આ તમામ આરોપોને નકારી કાઢ્યા છે અને સ્પષ્ટ કર્યું છે કે આંતરિક સુરક્ષા એ પાકિસ્તાનની પોતાની સમસ્યા છે. તાજેતરની ઘટનામાં પાકિસ્તાનની એર ડિફેન્સ સિસ્ટમ દ્વારા અફઘાનિસ્તાનની સરહદ પરથી છોડવામાં આવેલા ડ્રોન્સને ડિટેક્ટ કરવામાં આવ્યા હતા, જેને નિષ્ક્રિય કર્યા બાદ આ કાર્યવાહી કરવામાં આવી છે.
અફઘાનિસ્તાનના ખોસ્ત પ્રાંતના પ્રવક્તા મુસ્તગફિર ગુરબાજે જણાવ્યું હતું કે આ હુમલાઓ ખોસ્ત પ્રાંતના કેટલાક વિસ્તારોમાં થયા છે, જોકે આ હુમલાઓમાં કોઈ જાનહાનિ થયાના અહેવાલ નથી. આ અગાઉ પાકિસ્તાનના ઉત્તરપશ્ચિમ વિસ્તારમાં આવેલી એક પોલીસ મુખ્યમથક પર થયેલા હુમલામાં આશરે 24 લોકોનાં મોત નીપજ્યાં હતાં, જેના કારણે લગભગ 3 મહિનાની શાંતિ બાદ બંને દેશો વચ્ચે ફરીથી અથડામણો શરૂ થઈ ગઈ છે. પાકિસ્તાન સરકાર દ્વારા અગાઉ પણ અફઘાનિસ્તાન સરહદ નજીક હવાઈ હુમલા કરવામાં આવ્યા હોવાનો દાવો કરાયો હતો, જ્યારે અફઘાન તાલિબાન અધિકારીઓએ પાકિસ્તાન પર નાગરિકોને નિશાન બનાવવાનો આરોપ મૂક્યો છે.