નવી દિલ્હી: આર્ટિફિશિયલ ઈન્ટેલિજન્સ (AI) ની દુનિયામાં થઈ રહેલા ફેરફારો હવે ડરામણી હદે આગળ વધી રહ્યા છે. તાજેતરના એક ગ્લોબલ સર્વે રિપોર્ટ મુજબ, ૨૦૨૭ સુધીમાં ઈન્ટરનેટ પર સર્જાતા ડેટા અને સર્ફિંગમાં માણસો કરતા AI એજન્ટ્સ અને બોટ્સનું વર્ચસ્વ વધી જશે. બીજી તરફ, સોશિયલ મીડિયા જાયન્ટ 'મેટા' દ્વારા ઈન્સ્ટાગ્રામ અને મેસેન્જર પર એન્ડ-ટુ-એન્ડ એન્ક્રિપ્શનના નિયમોમાં મોટા બદલાવ કરવાની તૈયારી ચાલી રહી છે.

આ નવા ફેરફાર મુજબ, યુઝર્સના ડેટાની પ્રાઈવસી અને સિક્યુરિટી માટે નવા લેયર્સ ઉમેરવામાં આવશે, પરંતુ ટેક નિષ્ણાતો માની રહ્યા છે કે આનાથી સરકારો માટે દેખરેખ રાખવી મુશ્કેલ બનશે. ખાસ કરીને ફેક ન્યૂઝ અને આર્ટિફિશિયલ ઈન્ટેલિજન્સ દ્વારા જનરેટ થતા કન્ટેન્ટને રોકવા માટે આ એક મોટો પડકાર બની રહેશે. એઆઈ એજન્ટ્સના વધતા પ્રભાવને કારણે ભવિષ્યમાં ઓનલાઈન છેતરપિંડીના કિસ્સાઓ પણ વધી શકે તેવી દહેશત છે.