નવી દિલ્હી: મિડલ ઈસ્ટમાં ત્રીજા વિશ્વયુદ્ધના બ્યુગલ વાગી રહ્યા હોય તેમ સમગ્ર વિશ્વના હોશ ઉડાડી દેતો અને સુપરપાવર દેશોને હચમચાવી મુકે તેવો એક અત્યંત ચોંકાવનારો, સનસનાટીભર્યો અને વિસ્ફોટક કાળમુખો ધડાકો સામે આવ્યો છે! જોર્ડનમાં આવેલા અમેરિકાના લશ્કરી અડ્ડાઓ પર ઈરાને એક જ રાતમાં ભયાનક રાક્ષસી હુમલા બોલાવીને અમેરિકી વાયુસેનાના અનેક યુદ્ધ વિમાનો અને લડાકુ હેલિકોપ્ટરોને સટાકથી ડેમેજ કરીને મસમોટું નુકસાન પહોંચાડ્યું છે!

માહિતી અનુસાર ઈરાને જોર્ડનમાં મુવાફ્ફક સલાતી એરબેઝને નિશાન બનાવ્યું હતું. ત્યાં ડ્રોન અને મિસાઈલોનો વરસાદ કરી અમેરિકાની ઊંઘ ઊડાડી દીધી હતી. આ હુમલા બાદ એવા ઘણા વીડિયો સામે આવ્યા હતા જેમાં અમેરિકાના ડેમેજ થયેલા સી હૉક હેલકોપ્ટર, ફાઈટર જેટને બીજી લૉકેશન પર ખસેડવામાં આવી રહ્યાનો દાવો કરાયો હતો.

અમેરિકન મીડિયાના અહેવાલ પ્રમાણે ઈરાનના હુમલામાં 8 જેટલા અમેરિકન F-15 ફાઈટર જેટને નુકસાન થયું હતું. જેને રિપેરિંગ કરાવવાની ફરજ પડી હતી. જોકે આ સાથે એક A-10 થંડરબોલ્ટ જેને વૉરથોગ પણ કહેવાય છે તે પણ આ હુમલાની લપેટમાં આવી ગયું હતું. સૂત્રો તો એવું પણ કહે છે કે આ વિમાનની એક પાંખ જ ગાયબ થઇ ગઈ હતી. ઈરાનના હુમલાનો સામનો કરવા માટે અમેરિકાએ 30થી વધુ પેટ્રિયટ મિસાઈલો ઝીંકવી પડી હતી જે તેના માટે ખુબ ખર્ચાળ સાબિત થાય એમ છે.