નવી દિલ્હી:સમગ્ર પૃથ્વી ગ્રહ અને માનવ સભ્યતાના હોશ ઉડાડી દેતો, અરેરાટી બોલાવી દેતો અને કાળજું કંપાવી દેતો એક અત્યંત ચોંકાવનારો અને કાળમુખો ધડાકો સામે આવ્યો છે! ગ્લોબલ વોર્મિંગ અને પર્યાવરણીય પ્રદૂષણના પિશાચી આતંકના કારણે ગ્રીનલેન્ડ અને એન્ટાર્કટિકાના બરફના પહાડોમાંથી રૂ. ૧૨ લાખ કરોડ ટન જેટલો મસમોટો બરફ સટાકથી ગાયબ થઈ ગયો છે, જેના કારણે વિશ્વભરના ૯૦ લાખથી વધુ લોકોના માથે કાળમુખા પૂર અને જળપ્રલયનું રાક્ષસી જોખમ તોળાઈ રહ્યું છે.

આ સંશોધનમાં સૌથી મોટી અને ચોંકાવનારી બાબત એ સામે આવી છે કે 84 ટકા બરફનું નુકસાન સપાટી પરની ગરમ હવાના કારણે નહીં, પરંતુ નીચે અને કિનારાના ભાગોમાં ગરમ દરિયાઈ પાણીના કપાવાને કારણે થયું છે. ગ્લેશિયર અત્યંત ઝડપથી વહીને સમુદ્રમાં મળી રહ્યા છે, જેને ડાયનેમિક ઇમ્બેલેન્સ કહેવામાં આવે છે. માત્ર 16 ટકા નુકસાન જ સપાટીના પીગળવાથી થયું છે. ગ્રીનલેન્ડનું કદ નાનું હોવા છતાં તેમાંથી સૌથી વધુ અર્થાત્ 60 ટકા બરફ ઓગળ્યો છે. જ્યારે અન્ટાર્કટિકામાંથી 40 ટકા નુકસાન નોંધાયું છે.

વિજ્ઞાનીઓની ચેતવણી અનુસાર, સમુદ્ર સપાટીમાં થતો આ વધારો તટીય વિસ્તારો માટે અત્યંત જોખમી સાબિત થઈ રહ્યો છે. સમુદ્ર સપાટીમાં દરેક 1 સેન્ટિમીટરનો વધારો લાખો લોકોને વાર્ષિક ધોરણે પૂરના જોખમમાં ધકેલે છે. ગ્લોબલ વોર્મિંગની અસરોને કારણે આગામી સમયમાં પણ આ સ્થિતિ ચાલુ રહેવાની સંભાવના છે. તટીય શહેરો અને નીચાણવાળા વિસ્તારોનું રક્ષણ કરવા માટે વૈશ્વિક સ્તરે નક્કર પગલાં લેવા એ સમયની સૌથી મોટી અને મહત્ત્વપૂર્ણ જરૂરિયાત બની ગઈ છે.