તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
મગજમાં ખતરનાક ગાંઠ છે એમ સમજીને ૧૧ વર્ષ સુધી કીમોથેરપી લીધા પછી ખબર પડી કે દરદીને કેન્સર જ નથી
૧૧ વર્ષ સુધી નાહક કીમોથેરપી લેવડાવનારા હેલ્થ સેન્ટર સામે કેસ કર્યો
લંડન તા.૧૯: બ્રિટનમાં બેકી જોન્સ નામની યુવતી ૨૧ વર્ષની હતી ત્યારે તેના મગજમાં ટ્યુમર હોવાનું નિદાન થયું હતું. કેન્સરનું ટ્યુમર હોવાથી તેને સારવાર માટે કીમોથેરપી આપવામાં આવી. કીમોથેરપીનાં સેશન્સ ૧૧ વર્ષ સુધી ચાલ્યાં. જ્યારે તે ૩૪ વર્ષની થઈ ત્યારે તેણે બીજા કેટલાક ડોક્ટરોને કન્સલ્ટ કર્યા તો ખબર પડી કે તેને કેન્સર છે જ નહીં. વાત એમ હતી કે ૨૦૧૨માં તેને માથાનો દુખાવો થતો હતો. એ વખતે બ્રેઇન-સ્કેન કરવામાં આવ્યું તો મગજમાં એક ઘા દેખાયો. એ વખતે સારવાર કરનારા ડોક્ટરોને એ ઘા અને ઘાને કારણે ઊપસેલો ભાગ ખતરનાક ટ્યુમર હોવાનું લાગ્યું હતું. તેને એવું પણ કહેવામાં આવ્યું કે તેની પાસે હવે બહુ ઓછા દિવસો બચ્યા છે. કેન્સરના નિષ્ણાતે તેને કીમોથેરપી આપવાનું શરૂ કર્યું. કીમોથેરપીના સ્લો ડોઝને કારણે તે ખૂબ જ બીમાર રહેવા લાગી. ભણ્યા પછી પણ કંઈ કામકાજ કરી શકતી નહોતી. જોકે તેણે હાર ન માની. પોતાની બીમારી માટે તેણે અન્ય નિષ્ણાતોને કન્સલ્ટ કર્યા. તેમણે કેટલાંક પરીક્ષણો કરાવ્યાં તો ખબર પડી કે મગજમાં કોઈ કેન્સરની ગાંઠ નથી, માત્ર સોજો છે, આ સોજો તો સ્ટેરોઇડ્સથી પણ દૂર થઈ શકે એમ છે. બેકી એ પછી સ્ટેરોઇડ્સ દ્વારા સાજી થઈ હતી અને તેણે ૧૧ વર્ષ સુધી નાહક કીમોથેરપી લેવડાવનારા હેલ્થ સેન્ટર સામે કેસ કર્યો છે.
(10:27 AM IST)
છેલ્લા 8 દિવસમાં સૌથી લોકપ્રિય 
