નવી દિલ્હી:આંતરરાષ્ટ્રીય એન્ટીક અને કલા બજારમાંથી ઇતિહાસને હચમચાવી દેતી એક અત્યંત ચોંકાવનારી, ખૌફનાક અને સનસનાટીભરી ઘટના સામે આવી છે! દુનિયાભરની દુર્લભ કલાકૃતિઓ અને પુરાતત્વ અવશેષોની હરાજીમાં, આજથી ત્રણસો વર્ષો પહેલાં એટલે કે ઈ.સ. ૧૭૧૭ માં શુદ્ધ આરસપહાણ (Marble) માંથી અત્યંત બારીકાઈથી કંડારવામાં આવેલી એક અનોખી મૂર્તિએ ઇતિહાસ રચ્યો છે.

મૂર્તિની સૌથી મોટી ખાસિયત એ છે કે તેને એવી રીતે તૈયાર કરવામાં આવી છે કે જોનારાને ખરેખર કોઇ સ્ત્રીના ચહેરા પર પડદો હોય તેવો અહેસાસ કરાવે છે. આ મૂર્તિને ઇટાલિયન એન્ટોનીઓ કોરાડિનીએ તૈયાર કરી છે. આયોજકોએ જણાવ્યું હતું કે એક વ્યક્તિએ ફોન પર બોલી લગાવીને આ હરાજી જીતી હતી, ૬૦ સેંટીમીટર ઉંચી આ મૂર્તિમાં જે સ્ત્રીને દેખાડવામાં આવી છે તે એકદમ શાંત અવસ્થામાં છે. આરસમાંથી મહિલાના ચહેરા પરનો પડદો કેવી રીતે બનાવ્યો હશે તે સવાલ જરૂર થાય. મૂર્તિને તૈયાર કરનારા કોરાડિનીનો જન્મ ૧૬૮૮માં થયો હતો અને ૧૭૫૨માં તેઓ મૃત્યુ પામ્યા હતા.