નવી દિલ્હી: આંતરરાષ્ટ્રીય રાજદ્વારી સંબંધોમાં પ્રોટોકોલ અને સુરક્ષા એટલી કડક હોય છે કે ક્યારેક શક્તિશાળી દેશોના મંત્રીઓએ પણ વિચિત્ર નિર્ણયો લેવા પડે છે. ભૂતકાળમાં જ્યારે તત્કાલીન અમેરિકી રાષ્ટ્રપતિ ડોનાલ્ડ ટ્રમ્પ ચીનના પ્રવાસે જવાના હતા, ત્યારે તેમની સાથે જઈ રહેલા અમેરિકાના તત્કાલીન વિદેશ મંત્રીએ સત્તાવાર દસ્તાવેજો અને વીઝા પ્રોટોકોલ માટે માત્ર ૨૪ કલાક પૂરતું પોતાનું નામ બદલવું પડ્યું હતું. આ ઘટના પાછળ કોઈ રાજકીય વિવાદ નહીં, પરંતુ એક ટેકનિકલ અને ભાષાકીય (Linguistic) કારણ જવાબદાર હતું.
માર્કો રુબિયો જ્યારે સેનેટર હતા ત્યારે તેમણે ચીનમાં ઉઇઘર મુસ્લિમો પર થઈ રહેલા અત્યાચાર અંગે આકરા નિવેદનો આપ્યા હતા. તેમણે ચીની કમ્યુનિસ્ટ પાર્ટી પર 'નરસંહાર' અને માનવાધિકાર ઉલ્લંઘનના ગંભીર આરોપો લગાવ્યા હતા. રુબિયોએ દાવો કર્યો હતો કે ચીનમાં 10 લાખથી વધુ ઉઇઘર મુસ્લિમોને કેમ્પમાં કેદ કરવામાં આવ્યા છે અને ત્યાં મહિલાઓ પર અત્યાચાર ગુજારવામાં આવે છે. આ ટિપ્પણીઓને કારણે ચીને તેમના પર કાયમી પ્રતિબંધ લાદી દીધો હતો.
ચીની દૂતાવાસના પ્રવક્તાએ જણાવ્યું હતું કે, આ પ્રતિબંધ રુબિયોએ સેનેટર તરીકે કરેલા કાર્યો અને શબ્દોને કારણે છે. જોકે, ટ્રમ્પના 2024માં સત્તા સંભાળ્યા બાદના પ્રથમ ચીન પ્રવાસ દરમિયાન રુબિયોની મુલાકાતને ચીને અટકાવી નથી. આ મામલે વ્હાઇટ હાઉસ તરફથી હજુ સુધી કોઈ સત્તાવાર પ્રતિક્રિયા આપવામાં આવી નથી, પરંતુ આ ઘટનાક્રમ રાજદ્વારી વર્તુળોમાં ચર્ચાનો વિષય બન્યો છે.
ડોનાલ્ડ ટ્રમ્પ બુધવારે બપોરે બેઇજિંગ પહોંચ્યા છે, જ્યાં તેઓ ગુરુવારે 'ગ્રેટ હોલ ઑફ ધ પીપલ'ની મુલાકાત લેશે અને ચીની રાષ્ટ્રપ્રમુખ શી જિનપિંગ સાથે દ્વિપક્ષીય બેઠક કરશે. ઈરાન યુદ્ધ અને આર્થિક ખેંચતાણ વચ્ચે આ પ્રવાસ ખૂબ મહત્ત્વનો મનાઈ રહ્યો છે. જોકે, ટ્રમ્પે સ્પષ્ટતા કરી છે કે તેઓ જિનપિંગ સાથે ઈરાન યુદ્ધની સ્થિતિ અંગે ચર્ચા કરવાની કોઈ યોજના ધરાવતા નથી, પરંતુ અન્ય ઘણા મહત્ત્વના વિષયો પર વાતચીત થશે.