નવી દિલ્હી:એશિયા અને મધ્ય પૂર્વના ભૌગોલિક સમીકરણોને હચમચાવી દેતો, કાળજું કંપાવી દેતો અને કાનમાંથી ધુમાડા કાઢી નાખે તેવો અતિશય વિસ્ફોટક તથા પિશાચી કિસ્સો સામે આવ્યો છે! ક્યારેક એકબીજાના ખાસ મિત્રો અને સહયાત્રી ગણાતા પાકિસ્તાન અને અફઘાનિસ્તાન વચ્ચે હવે લોહીના તરસ્યા કટ્ટર દુશ્મનો જેવો ઘાતક માહોલ સર્જાયો છે, અને બંને દેશોની સરહદો પર પિશાચી યુદ્ધ સટાકથી ભડકી ઉઠ્યું છે.

સુરક્ષા સૂત્રોના જણાવ્યા અનુસાર પાકિસ્તાને પોતાના ક્ષેત્રમાં પ્રવેશવાના અને આક્રમકતા દાખવવાના પ્રયાસ વિરુદ્ધ આ જવાબી કાર્યવાહી કરી હતી. સરહદી વિસ્તારમાં સંપૂર્ણ ઍલર્ટ પર રહેલા સુરક્ષા દળો અને અફઘાન તાલિબાન વચ્ચે હજુ પણ છૂટોછવાયો ગોળીબાર સતત ચાલી રહ્યો છે. બીજી તરફ અફઘાન તાલિબાન દ્વારા પાકિસ્તાનના આ આક્ષેપો પર તાત્કાલિક કોઈ ટિપ્પણી કરવાનો ઇન્કાર કરવામાં આવ્યો હતો.

પાકિસ્તાની વાયુસેનાએ ગુરુવારે અફઘાનિસ્તાનમાં 10 સ્થળો પર હવાઈ હુમલા કર્યા હતા, પાકિસ્તાને દાવો કર્યો હતો કે, આ સ્થળોએથી ડ્રોન લોન્ચ કરવા અને સંગ્રહ કરવા માટે ઉપયોગમાં લેવાય છે. આ અગાઉ સોમવારે પણ પાકિસ્તાને સરહદી પ્રદેશમાં હવાઈ હુમલા કરીને 28 અફઘાની આતંકવાદીઓને ઠાર કર્યા હોવાનો દાવો કર્યો હતો. જ્યારે અફઘાન તાલિબાનના અધિકારીઓએ રાત્રિના હુમલામાં 3 નાગરિકોના મોત થયા હોવાનો આરોપ મૂક્યો હતો. પશ્ચિમ અને ઉત્તરપશ્ચિમ સરહદી ક્ષેત્રમાં વધી રહેલા વિદ્રોહને પગલે બંને દેશો વચ્ચે સતત મતભેદો વધી રહ્યા છે.