નવી દિલ્હી: વિશ્વના દરેક દેશોની પોતાની કાયદાકીય વ્યવસ્થા હોય છે. પરંતુ કેટલાક દેશો પોતાના અત્યંત કડક અને વિચિત્ર કાયદા માટે જાણીતા છે. કેટલાક દેશો પોતાના નાગરિકોને વધુ સ્વતંત્રતા આપે છે, જ્યારે કેટલાક દેશોમાં નિયમો ખૂબ જ કડક હોય છે અને સજા પણ ખૂબ જ કડક મળે છે. કાયદો એ નક્કી કરે છે કે લોકો શું કરી શકે છે અને શું ન કરી શકે. કાયદો જ એ પણ નક્કી કરે છે કે ખોટા કામ કરદલ કેટલી સજા મળશે.  ઘણા દેશોમાં ઈતિહાસ, ધર્મ, રાજકારણ અને સત્તાની ગતિશીલતા કાયદાઓ પર ઊંડો પ્રભાવ ધરાવે છે.

- ચીન

- રશિયા

- સીરિયા

- સંયુક્ત આરબ અમીરાત

- કતાર

- ઈરાન

- સાઉદી અરેબિયા

આ દેશોમાં વાણી સ્વાતંત્ર્ય, વિરોધ કરવાનો અધિકાર અને અંગત જીવન સાથે સબંધિત મામલે કડક નિયમો હોઈ શકે છે. સજા માત્ર દંડ અથવા કેદ સુધી મર્યાદિત નથી. વિશ્વના કેટલાક ભાગોમાં સજા ખૂબ જ ગંભીર હોઈ શકે છે. કેટલાક દેશોમાં શારીરિક દંડ, લાંબી જેલની સજા અને કેટલાક મામલે મૃત્યુદંડ પણ આપવામાં આવે છે.

ઘણા દેશોમાં સમલૈંગિક સંબંધોને આજે પણ અપરાધ માનવામાં આવે છે. જેમાં સાઉદી અરેબિયા, ઈરાન, અફઘાનિસ્તાન, પાકિસ્તાન, કતાર, નાઈજીરીયા, યુગાન્ડા, બ્રુનેઈ, મૌરિટાનિયા, સોમાલિયા, સુદાન, મલાવી અને યમન જેવા દેશો સામેલ છે. આ દેશોમાં દંડથી લઈને કેદ સુધીની સજા અને કેટલાક કિસ્સાઓમાં મૃત્યુદંડની સજા પણ થઈ શકે છે.

ઈશનિંદા (ધર્મ વિરુદ્ધ બોલવા બદલ) પર સખત કાયદો

- કેટલાક દેશોમાં ધર્મનું અપમાન કરવું અથવા તેના વિરુદ્ધ બોલવું અપરાધ માનવામાં આવે છે.

- પાકિસ્તાનમાં ઈશનિંદા માટે આજીવન કેદની સજા થઈ શકે છે.

- સાઉદી અરેબિયામાં કેટલાક મામલે મૃત્યુદંડ પણ થઈ શકે છે.

- ઈન્ડોનેશિયા, ઈજિપ્ત, નાઈજીરીયા, ઈરાન અને અફઘાનિસ્તાનમાં પણ આવા જ કાયદાઓ અસ્તિત્વમાં છે.

- માનવ અધિકાર જૂથોનું કહેવું છે કે આ કાયદાઓનો ઉપયોગ ક્યારેક વિરોધ દબાવવા માટે પણ કરવામાં આવે છે.

સિંગાપોર અને ઉત્તર કોરિયા: બે અલગ ઉદાહરણ

સિંગાપોર

અહીંના કાયદા ખૂબ જ કડક છે, પરંતુ વ્યવસ્થા અને સ્વચ્છતા જાળવવા પર ભાર મૂકવામાં આવે છે.

- કચરો ફેંકવા બદલ ભારે દંડ

- ડ્રગ્સ તસ્કરી પર કડક સજા

- કેટલાક મામલે મૃત્યુદંડ

ઉત્તર કોરિયા

- આ દેશ સંપૂર્ણપણે સરકારના કડક નિયંત્રણ હેઠળ ચાલે છે.

- વાણી અને માહિતી મેળવવાની સ્વતંત્રતા મર્યાદિત

- અસંમતિ દર્શાવનારને જેલ અથવા શ્રમ શિબિરની સજા