નવી દિલ્હી: પાકિસ્તાનમાં સોમવારે સતત ત્રીજા દિવસે ભૂકંપના જોરદાર આંચકા અનુભવાયા છે. નેશનલ સેન્ટર ફોર સિસ્મોલોજી (NCS)ના રિપોર્ટ મુજબ, સોમવારે આવેલા ભૂકંપની તીવ્રતા રિક્ટર સ્કેલ પર 4.7 માપવામાં આવી છે અને તેનું કેન્દ્રબિંદુ જમીનમાં માત્ર 10 કિલોમીટરની ઊંડાઈએ છે. આ ભૂકંપના કારણે વિસ્તારમાં વધુ આંચકા આવવાની આશંકા વધી ગઈ છે. સોમવાર પહેલા શનિવાર અને રવિવારે પણ પાકિસ્તાનમાં આશરે 4.0ની તીવ્રતાના ભૂકંપના આંચકા આવ્યા હતા. જોકે, છેલ્લા ત્રણ દિવસમાં ભૂકંપના કારણે કોઈ મોટી જાનમાલની નુકસાનીના સમાચાર નથી, પરંતુ સતત આવતા આ આંચકાઓએ લોકોમાં ભય ઉભો થયો છે.

નિષ્ણાતોના મતે પાકિસ્તાનમાં આવી રહેલા ભૂકંપ ઊંડા ભૂકંપની તુલનામાં વધુ જોખમી સાબિત થઈ શકે છે. જમીનની અંદર આવેલો ભૂકંપ અને જમીનની સપાટી વચ્ચે ઓછું અંતર છે, જેના કારણે આગામી સમયમાં વધુ સંકટ આવી શકે છે. આ કારણે ઈમારતોને વધુ નુકસાન થવાની શક્યતા રહે છે.