તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
પાકિસ્તાનમાં લગ્નના પાંચેક મહિના બાદ મહિલા ડોક્ટરને ખબર પડી કે આલીશાન ઘરમાં રહેતાં સાસરિયાં ભીખ માગે છે
સાસરિયાં લક્ઝુરિયસ કારમાં બેસીને ભીખ માગવા જાય છે અને ભીખ સારી મળે એ માટે તેઓ મેકઅપ આર્ટિસ્ટો પણ રાખે છે
કરાંચી તા.૩: પાકિસ્તાનમાં એક મહિલા ડૉક્ટરનાં લગ્ન એક્સપોર્ટ-ઇમ્પોર્ટનો વ્યવસાય કરનારા શ્રીમંત પરિવારમાં થયાં હતાં, પણ લગ્નના ચારથી પાંચ મહિના બાદ તેને ખબર પડી કે તે જે આલીશાન ઘરમાં રહે છે એ ભીખ માગીને ખરીદવામાં આવ્યું છે. તેનાં સાસરિયાં લક્ઝુરિયસ કારમાં બેસીને ભીખ માગવા જાય છે અને ભીખ સારી મળે એ માટે તેઓ મેકઅપ આર્ટિસ્ટો પણ રાખે છે.
આ મહિલા ડોક્ટર MBBSની ડિગ્રી ધરાવે છે અને તેણે અજાણતાં જ આ ભિખારીઓના ઘરમાં લગ્ન કર્યાં હતાં. પાકિસ્તાની યુટયુબર સૈયદ બાસિત અલીએ આ ડૉક્ટરનો વિડિયો શૅર કર્યો હતો અને એમાં તેણે જણાવ્યું કે તે કરોડો રૂપિયાના અને આધુનિક સુવિધા ધરાવતા ઘરમાં રહે છે. લગ્નના શરૂઆતના ચાર-પાંચ મહિના બધું બરાબર ચાલી રહ્યું હતું. જોકે તેને એ અજુગતું લાગ્યું કે ઘરના લોકો લેન્ડક્રુઝર કે ફૉર્ચ્યુનર જેવી કારમાં બેસીને જતા રહેતા હતા. એક દિવસ તેણે પીછો કર્યો ત્યારે ખબર પડી કે સાસરિયાં ભીખ માગે છે. આ માટે તેમના ઘરમાં પ્રોફેશનલ મેકઅપ આર્ટિસ્ટો પણ છે. તેઓ અલગ-અલગ જગ્યાએ જઈને ભીખ માગે છે. હવે આ મહિલા ડોક્ટર તેના પિયર આવી ગઈ છે અને પોતાના અભ્યાસ પર ધ્યાન કેન્દ્રિત કરી રહી છે.(૩૮.૫)
(10:10 AM IST)
છેલ્લા 8 દિવસમાં સૌથી લોકપ્રિય 
