બેંગ્‍કોક,તા.૩: થાઇલેન્‍ડના એક્કાચાઈ અને તેની પત્‍ની લક્‍સાનાએ ૨૦૧૩માં ૫૮ કલાક ૩૫ મિનિટ સુધી નોનસ્‍ટોપ કિસ કરીને ગિનેસ વર્લ્‍ડ રેકોર્ડ બનાવ્‍યો હતો, પણ આ રેકોર્ડ  બનાવ્‍યાનાં ૧૨ વર્ષ બાદ આ કપલ અલગ થઈ ગયું છે. જોકે આ રેકોર્ડ બનાવવા માટે એક્કાચાઈ ગર્વ મહેસૂસ કરે છે અને જણાવે છે કે તેમની આ કહાની ખાસ છે. આ કપલે પહેલી વાર ૨૦૧૧માં ૪૬ કલાક ૨૪ મિનિટ સુધી લોન્‍ગેસ્‍ટ કિસનો રેકોર્ડ બનાવ્‍યો હતો, પણ ૨૦૧૨માં એક્કાચાઈ બીમાર પડી ગયો એટલે બીજા કપલે આ રેકોર્ડ તોડી નાખ્‍યો હતો. આથી તેમણે ૨૦૧૩માં જૂનો રેકોર્ડ તોડીને નવો રેકોર્ડ બનાવ્‍યો હતો. આ રેકોર્ડ વિશે બોલતાં એક્કાચાઈએ એક વાર કહ્યું હતું કે માત્ર પાગલ લોકો જ આવું કરી શકે છે, કોઈ સામાન્‍ય માનવી આવું વિચારી પણ શકે નહીં.(૪૦.૭)