વોશીંગ્‍ટન તા. ર૯: અમેરિકાના પૂર્વ રાષ્‍ટ્રપતિ થિયોડોર રૂઝવેલ્‍ટની મનપસંદ ઘડીયાળ ૩૭ વર્ષ બાદ મળી આવી છે. આ પોકેટ ઘડીયાળ હંમેશા રૂઝવેલ્‍ટ પોતાની સાથે જ રાખતા. સાધારણ દેખાતી આ ઘડીયાળ રૂઝવેલ્‍ટન.ે ખુબ પ્રિય હતી કેમ કે તેને તેમના બહેન કોરીને ભેટ આપી હતી.

ભેટ મળ્‍યા બાદ રૂઝવેલ્‍ટે બહેન કોરીનને પત્ર લખેલ કે તું મને આનાથી ઉપયોગી ભેટ ન આપી શકત, આ બિલકુલ એવી જ છે જેવી મને જોઇતી હતી. આ ઘડીયાળ ૧૯૧૯માં રૂઝવેલ્‍ટના અવસાન બાદ તેમના આઇલેન્‍ડ સ્‍થિત નિવાસસ્‍થાને રખાઇ હતી. ૧૯૮૭માં ચોરી થયાના ૩૭ વર્ષ બાદ ફલોરીડાના એક હરરાજી ઘરમાં તે જોવા મળ્‍યા બાદ તેને પરત લેવામાં આવી હતી.