અમદાવાદ : શહેરના નરોડા વિસ્‍તારમાં આંબેડકરનગર નજીક જતીન સોલંકી નામના યુવાનની કરપીણ હત્‍યાથી ખળભળાટ મચી ગયો છે. સુમતિનાથ સોસાયટીના જતીન પર કર્મવીર હાઉસિંગ પાસે ૩ થી ૪ અજાણ્‍યા શખસોએ લાકડી-ધોકા વડે જીવલેણ હુમલો કરી ઘટનાસ્‍થળે જ મોતને ઘાટ ઉતાર્યો હતો.

નરોડા પોલીસે તાત્‍કાલિક પહોંચી મળતદેહ પોસ્‍ટમોર્ટમ માટે મોકલી આપ્‍યો છે. પોલીસે હત્‍યાનું કારણ અને ફરાર આરોપીઓને ઝડપી પાડવા ટીમો બનાવી તપાસ શરૂ કરી છે.