અમદાવાદ : આજના સમયમાં દરેક વ્યક્તિ ઈચ્છે છે કે નિવૃત્તિ (રિટાયરમેન્ટ) પછી પણ તેમનું જીવન ધોરણ જળવાઈ રહે અને દર મહિને એક નિશ્ચિત રકમ આવક તરીકે મળતી રહે, જેથી વૃદ્ધાવસ્થામાં કોઈની પાસે આર્થિક મદદ માંગવાનો વારો ન આવે. જો તમે પણ શેરબજારની અફરા-તફરીથી દૂર રહીને સુરક્ષિત અને ગેરન્ટેડ આવક મેળવવા માંગતા હોવ, તો ભારતીય જીવન વિમા નિગમ (LIC) ની 'LIC સ્માર્ટ પેન્શન પ્લાન' (LIC Smart Pension Plan) તમારા માટે એક અદ્ભુત વિકલ્પ સાબિત થઈ શકે છે.

શું છે 'LIC સ્માર્ટ પેન્શન પ્લાન'?

LIC ની આ યોજના એક ઈમીડિએટ એન્યુટી (Immediate Annuity) પ્લાન છે. જેમાં રોકાણકારે ફક્ત એક જ વાર રકમ રોકવાની (Single Premium) હોય છે અને તે જ ક્ષણથી કે નક્કી કરેલા સમયાંતરે પેન્શન મળવાનું શરૂ થઈ જાય છે. આ યોજનાનું સૌથી મોટું પાસું એ છે કે તે શેરબજાર સાથે જોડાયેલી નથી, એટલે કે બજારના ઉતાર-ચઢાવની તમારા પેન્શન પર કોઈ નકારાત્મક અસર પડતી નથી.

પોલિસીધારક પોતાની સુવિધાઓ અને જરૂરિયાતો મુજબ નીચેનામાંથી કોઈ પણ વિકલ્પે પેન્શન મેળવી શકે છે:

·         દર મહિને (Monthly)

·         દર ત્રણ મહિને (Quarterly)

·         દર છ મહિને (Half-yearly)

·         વર્ષમાં એક વાર (Yearly)

આ પોલિસી વ્યક્તિગત (Single) અથવા જીવનસાથી સાથે સંયુક્ત (Joint) વિકલ્પ તરીકે પણ ખરીદી શકાય છે.

"જો પોલિસીધારક દર મહિને આશરે રૂ. ૨૪,૦૦૦ નું ગેરન્ટેડ પેન્શન ઈચ્છતા હોય તો તેમણે આ યોજનામાં આશરે રૂ. ૩૫ લાખનું એકમ રકમ રોકાણ કરવું પડે છે. જેનાથી વાર્ષિક આશરે રૂ. ૨.૮૭ લાખ અને માસિક રૂ. ૨૩,૯૪૦ સુધીનું પેન્શન પ્રાપ્ત થઈ શકે છે."

— નાણાકીય નિષ્ણાતો (નોંધ: વાસ્તવિક પેન્શન ઉંમર અને પસંદ કરેલા વિકલ્પ પર આધારિત છે)

યોજનાની મુખ્ય વિશેષતાઓ અને લાભો

·         ન્યૂનતમ અને મહત્તમ રોકાણ: આ પ્લાનમાં ઓછામાં ઓછું રૂ. ૧ લાખ નું રોકાણ કરી શકાય છે, જ્યારે મહત્તમ રોકાણ માટે કોઈ પણ મર્યાદા રાખવામાં આવી નથી.

·         પેન્શનમાં વાર્ષિક વધારો: આ સ્કીમ હેઠળ વાર્ષિક ૩ ટકા અથવા ૬ ટકાના દરે પેન્શનની રકમ વધારવાનો ખાસ વિકલ્પ પણ મળે છે.

·         નોમિનીને સુરક્ષા: જો પોલિસીધારકનું મૃત્યુ થાય છે, તો તેણે રોકાણ કરેલી મૂળ રકમ (Purchase Price) તેના નોમિનીને પરત કરી દેવામાં આવે છે.

નિવૃત્તિ પછી સ્વમાનભેર અને ચિંતામુક્ત જીવન જીવવા માંગતા લોકો માટે LIC નો આ પ્લાન એક વરદાન સમાન સાબિત થઈ રહ્યો છે.