તા. ૨૧ સપ્ટેમ્બર ર૦ર૬ વિક્રમ સંવત ર૦૮૨ ભાદરવા સુદ – ૧૦ સોમવાર
News of Monday, 16th November 2026
સુરતના પાલિયા ગ્રાઉન્ડ વિસ્તારમાં મહિલાનો લોહીલુહાણ હાલતમાં મૃતદેહ મળ્યો:ઘરકંકાસમાં પતિએ પત્નીની હત્યા કરી હોવાની આશંકા
હત્યાની ઘટનાને અંજામ આપ્યા બાદ આરોપી પતિ ઘટનાસ્થળેથી ફરાર: મહિલાનો મૃતદેહ જોતા જ સ્થાનિકોમાં અનેક સવાલો ઊભા થયા

સુરત શહેરમાં હત્યાની એક ચકચારી ઘટના સામે આવતા સમગ્ર વિસ્તારમાં ખળભળાટ મચી ગયો છે. શહેરના પાલિયા ગ્રાઉન્ડ વિસ્તારમાં એક મહિલાનો મૃતદેહ લોહીલુહાણ હાલતમાં મળી આવતા સ્થાનિકોમાં ભય અને ચિંતાનો માહોલ સર્જાયો છે. ઘરકંકાસના કારણે પતિએ જ પોતાની પત્નીની હત્યા કરી હોવાનું સામે આવ્યું છે. હત્યાની ઘટનાને અંજામ આપ્યા બાદ આરોપી પતિ ઘટનાસ્થળેથી ફરાર થઈ ગયો છે.
મળતી માહિતી મુજબ, સુરતના પાલિયા ગ્રાઉન્ડ વિસ્તારમાં મહિલાનો મૃતદેહ લોહીલુહાણ હાલતમાં મળી આવ્યો હતો. આ ઘટનાની જાણ થતાં જ આસપાસના વિસ્તારમાં ચકચાર મચી ગઈ હતી. મહિલાનો મૃતદેહ જોતા જ સ્થાનિકોમાં અનેક સવાલો ઊભા થયા હતા. ઘટનાની ગંભીરતાને ધ્યાનમાં રાખીને તાત્કાલિક પોલીસને જાણ કરવામાં આવી હતી. ત્યારબાદ લાલગેટ પોલીસની ટીમ ઘટનાસ્થળે પહોંચી હતી અને તપાસનો ધમધમાટ શરૂ કર્યો હતો.
પ્રાથમિક વિગતો અનુસાર, પતિ-પત્ની વચ્ચે ઘરકંકાસ ચાલતો હોવાની માહિતી સામે આવી છે. આ ઘરેલુ વિવાદે ઉગ્ર સ્વરૂપ ધારણ કરતાં પતિએ પત્નીની હત્યા કરી હોવાની વિગતો મળી રહી છે. જોકે, હત્યા પાછળનું ચોક્કસ કારણ શું હતું અને કયા સંજોગોમાં આ સમગ્ર ઘટનાને અંજામ આપવામાં આવ્યો તે અંગે પોલીસ તપાસ બાદ વધુ વિગતો સામે આવશે.
હત્યાની ઘટનાને અંજામ આપ્યા બાદ આરોપી પતિ ફરાર થઈ ગયો હોવાનું જાણવા મળ્યું છે. બીજી તરફ, લાલગેટ પોલીસે ઘટનાસ્થળે પહોંચી તપાસ હાથ ધરી છે. મહિલાના મૃતદેહને લગતી કાયદેસરની કાર્યવાહી સહિત હત્યા પાછળના કારણો શોધવાની દિશામાં તપાસ આગળ ધપાવવામાં આવી રહી છે. આરોપી પતિને ઝડપી પાડવા માટે પોલીસે ચક્રો ગતિમાન કર્યા છે.
(9:20 PM IST)









છેલ્લા 8 દિવસમાં સૌથી લોકપ્રિય 
