નવસારીના તીઘરા રોડ પર આવેલા શાશ્વત એપાર્ટમેન્ટમાં એક ઘટના બની છે. આજે સવારે 39 વર્ષીય કોમલબેન હાર્દિક શાહે એપાર્ટમેન્ટના ધાબા પરથી નીચે ઝંપલાવી આપઘાત કરી લીધો હતો. આ ઘટનાથી વિસ્તારમાં શોકનો માહોલ છે.

મૃતક કોમલબેન શાહ સવારે આશરે 11:30 વાગ્યે આ પગલું ભર્યું હતું. તેમના પતિ હાર્દિક શાહે જણાવ્યું કે, કોમલબેન છેલ્લા કેટલાક સમયથી બીમારીથી પીડાતા હતા અને તેમની સારવાર પણ ચાલુ હતી. પ્રાથમિક આશંકા છે કે બીમારીના કારણે તેમણે આત્મહત્યા કરી.

કોમલબેનના પરિવારમાં હવે પતિ હાર્દિકભાઈ, વૃદ્ધ સાસુ અને 18 વર્ષીય દીકરી છે. ધોરણ-12 માં ભણતી દીકરીએ માતા ગુમાવતા પરિવાર શોકમગ્ન છે.