અમદાવાદ હવામાન વિભાગ દ્વારા રાજ્યના કેટલાક વિસ્તારોમાં વરસાદની આગાહી કરવામાં આવી છે. હવામાન વિભાગના જણાવ્યા અનુસાર, હાલ સર્જાયેલા સાયક્લોનિક સર્ક્યુલેશનના પ્રભાવ હેઠળ ગુજરાત રીજનમાં ખાસ કરીને મધ્ય-પૂર્વ અને સરહદી ભાગોમાં અમુક-અમુક સ્થાનો પર હળવો વરસાદ પડી શકે છે.

હવામાન વિભાગની આગાહી મુજબ, ઉત્તર ગુજરાતના બે જિલ્લા બનાસકાંઠા અને સાબરકાંઠામાં વરસાદી ઝાપટાં પડવાની શક્યતા છે. આ ઉપરાંત મધ્ય પ્રદેશ સાથે સરહદ ધરાવતા અને દક્ષિણ ગુજરાતના વિસ્તારોમાં પણ વાતાવરણ પલટાશે, જેમાં દાહોદ, છોટા ઉદેપુર, નર્મદા અને તાપી જિલ્લામાં હળવા વરસાદની શક્યતા વ્યક્ત કરવામાં આવી છે.