અમદાવાદ,તા.૨૫: અમદાવાદ છેલ્લા ૧૦ દિવસથી 'યલો એલર્ટ' હેઠળ છે, તાપમાન ૪૦ થી ૪૫ ડિગ્રી વચ્ચે રહે છે. રવિવારે યોજાનારી મ્યુનિસિપલ ચૂંટણીમાં આ ગરમી મતદાન પર અસર ન કરે તે માટે, શહેરના અગ્રણી કલબોએ એક નવું અભિયાન શરૃ કર્યું છે. રાજપથ કલબના પ્રમુખ જગદીશભાઈ પટેલ અને સેક્રેટરી મિશાલ પટેલના જણાવ્યા અનુસાર, લોકો ઘણીવાર સ્થાનિક ચૂંટણીઓમાં ઓછો રસ દાખવે છે, પરંતુ આ વખતે, તેમને પ્રોત્સાહિત કરવા માટે, વોટ કરો અને ડિસ્કાઉન્ટ મેળવો ઓફર આપવામાં આવી રહી છે.

આ ઝુંબેશ હેઠળ, જે કોઈ નાગરિક પોતાનો મત આપશે અને શાહીવાળી આંગળી બતાવશે તેને કલબમાં તેમના ખાવા-પીવાના બિલમાં નોંધપાત્ર ડિસ્કાઉન્ટ મળશે.

ડિસ્કાઉન્ટઃ લંચ, ડિનર અને હાઇ ટી પર ફલેટ ૨૫% ડિસ્કાઉન્ટ આ ઓફર મતદાનના દિવસથી શરૃ થતા ત્રણ દિવસ માટે માન્ય રહેશે. ૧.૨૫સભ્યો સુધી પહોંચવા માટે સંદેશ અમદાવાદની બે સૌથી મોટી કલબ - રાજપથ કલબ અને કર્ણાવતી કલબ - એ એક સાથે જોડાણ કર્યું છે. આ બે કલબની સંયુકત સભ્યપદ આશરે ૧,૦૦,૦૦૦ થી ૧.૨૫ લાખ છે. કલબ મેનેજમેન્ટને આશા છે કે આ ઓફર ફકત સભ્યોને જ નહીં પરંતુ તેમના પરિવારોને પણ મતદાન મથકો પર પહોંચવા માટે પ્રોત્સાહિત કરશે. વહીવટીતંત્ર અને કલબનો સામાન્ય ધ્યેય એ છે કે અમદાવાદ રવિવારે યોજાનારી ચૂંટણીમાં એક નવો રેકોર્ડ બનાવે.