વલસાડ જિલ્લાની દમણગંગા નદીમાંથી અજાણી મહિલાનો મૃતદેહ મળવાના ચકચારી કેસનો ભેદ ઉકેલવામાં વાપી ટાઉન પોલીસને મોટી સફળતા મળી છે. પોલીસ તપાસમાં સામે આવ્યું છે કે, મૃતક મહિલા વાપીની જ રહેવાસી હતી અને તેણે પોતાના લગ્નજીવનથી કંટાળીને આપઘાત કરી લીધો હતો. જોકે, પત્નીના મોતથી ગભરાઈ ગયેલા પતિએ કાયદાકીય કાર્યવાહીથી બચવા માટે તેની મૃતદેહને નદીમાં ફેંકી દીધી હોવાનો ચોંકાવનારો ખુલાસો થયો છે. પોલીસે આ મામલે ગુનો નોંધી પતિની અટકાયત કરી છે, અને તેની વધુ સઘન પૂછપરછ હાથ ધરી છે.