ભરૂચના અંકલેશ્વરમાં શાળામાં થયેલા આંતરિક ઝઘડાની અદાવતમાં ધોરણ 12માં અભ્યાસ કરતી બે સગી બહેનો પર હુમલો થવાની ગંભીર ઘટના સામે આવી છે. સ્કૂલની માથાકૂટ બાદ અન્ય એક વિદ્યાર્થીએ પોતાના પરિવાર સાથે મળીને આ બંને બહેનોને નિશાન બનાવી હુમલો કર્યો હતો, જેની સમગ્ર ઘટના નજીકના CCTV કેમેરામાં કેદ થઈ ગઈ છે.

   આ હુમલામાં ઇજાગ્રસ્ત થયેલી બંને બહેનોને તાત્કાલિક સારવાર માટે હોસ્પિટલ ખસેડવામાં આવી છે. આ મામલે અંકલેશ્વર જીઆઇડીસી પોલીસે ગુનો નોંધીને સીસીટીવી ફૂટેજના આધારે વધુ તપાસ હાથ ધરી છે.