સુરતના કીમ-ઓલપાડ હાઇવે પર આવેલ મુળદ પાટિયા નજીક એક મોટી હોનારત ટળી છે. અહીં ચાલી રહેલી ગટર લાઇનના ખોદકામના કારણે એક ઘટાદાર વૃક્ષ અચાનક મૂળમાંથી ઉખડીને રસ્તા કિનારે આવેલી દુકાન પર ધરાશાયી થયું હતું. સદ્નસીબે ઘટના સમયે દુકાન બંધ હોવાના કારણે કોઈ જાનહાનિ થઈ નહોતી અને એક મોટી દુર્ઘટના ટળી હતી. જોકે, ભારે વૃક્ષ પડવાના કારણે દુકાનના માળખાને મોટું નુકસાન પહોંચ્યું છે, જેનાથી દુકાન માલિકને ભારે આર્થિક ફટકો પડ્યો છે.