બનાસકાંઠા તા.૨૬ : બનાસકાંઠા જિલ્લાના વાવ-થરાદ પંથકમાં છેલ્લા 24 કલાકથી પડી રહેલા ભારે વરસાદને કારણે જનજીવન પ્રભાવિત થયું છે. સત વરસાદના કારણે અનેક વિસ્તારોમાં જળબંબાકારની સ્થિતિ સર્જાઈ છે.

વાવ અને થરાદ શહેરના નીચાણવાળા વિસ્તારોમાં વરસાદી પાણી ભરાતા રસ્તાઓ પર ઘૂંટણ સુધી પાણી ફરી વળ્યા છે. ઘણા ઘરોમાં પણ પાણી ઘૂસી ગયા છે. જેના કારણે સ્થાનિક લોકો પોતાનો સામાન લઈને ઘર છોડીને સુરક્ષિત સ્થળે જવા મજબૂર બન્યા છે. 

સાથે જોડાયેલ તસવીરોમાં જોઈ શકાય છે કે રસ્તાઓ સંપૂર્ણપણે પાણીમાં ગરકાવ થયા છે અને ઘરોની આસપાસ પણ પાણી ભરાયા છે.

સ્થિતિને પગલે સ્થાનિક તંત્ર એલર્ટ પર છે. NDRF અને ફાયર બ્રિગેડની ટીમોને સ્ટેન્ડબાય રાખવામાં આવી છે. જરૂર પડ્યે રેસ્ક્યુ ઓપરેશન હાથ ધરવામાં આવશે. તંત્ર દ્વારા લોકોને નીચાણવાળા વિસ્તારો ખાલી કરવાની સૂચના પણ આપવામાં આવી છે.

હવામાન વિભાગે આગામી 24 કલાક માટે પણ ભારે વરસાદની આગાહી કરી છે. જેના કારણે વહીવટી તંત્રની ચિંતા વધી છે.