અમદાવાદ તા.૨૬ : ગુજરાતમાં છેલ્લા એક સપ્તાહથી પડી રહેલા ધોધમાર વરસાદ અને પૂરની સ્થિતિને કારણે કરદાતાઓ માટે આવકવેરા રિટર્ન ભરવું મુશ્કેલ બન્યું છે. આથી રાજ્યના વિવિધ CA એસોસિએશન અને વેપારી મંડળોએ CBDT એટલે કે સેન્ટ્રલ બોર્ડ ઓફ ડાયરેક્ટ ટેક્સીસને પત્ર લખીને ITR ભરવાની છેલ્લી તારીખ લંબાવવાની માંગ કરી છે.

હાલ ITR ભરવાની છેલ્લી તારીખ 31 જુલાઈ 2026 છે. પરંતુ ભારે વરસાદને કારણે અનેક જિલ્લાઓમાં ઓફિસો, દુકાનો અને ઘરોમાં પાણી ભરાયા છે. જેના કારણે કરદાતાઓ પાસે જરૂરી દસ્તાવેજો નથી અને ઈન્ટરનેટ-સર્વરની પણ સમસ્યા છે.

આથી માંગ કરવામાં આવી છે કે છેલ્લી તારીખને ઓછામાં ઓછી 31 ઓગસ્ટ 2026 સુધી લંબાવવામાં આવે જેથી કરદાતાઓને રાહત મળી શકે.

કઈ સમસ્યાઓનો સામનો? દસ્તાવેજોનું નુકસાન: પાણી ભરાતા બિલ, રસીદ અને હિસાબી ચોપડા ખરાબ થયા,ઓનલાઈન સમસ્યા: ઘણા વિસ્તારોમાં ઈન્ટરનેટ અને વીજળી ખોરવાઈ,CA ઓફિસ બંધ: અનેક CAની ઓફિસોમાં પાણી ભરાતા કામગીરી ખોરવાઈ

પત્રમાં જણાવાયું છે કે આ કુદરતી આફતના કારણે કરદાતાઓની કોઈ ભૂલ નથી. તેથી દંડ વગર સમય આપવામાં આવે.

હવે CBDT આ માંગ પર શું નિર્ણય લે છે તેના પર રાજ્યના લાખો કરદાતાઓ અને CAની નજર છે. અગાઉ પણ કુદરતી આફત સમયે આવકવેરા વિભાગે તારીખ લંબાવી છે.