નર્મદા જિલ્લાના સાગબારામાં સૌથી વધુ 3 ઇંચ વરસાદ નોંધાયો છે, જ્યારે સુરતના ઉમરપાડામાં પણ 3 ઇંચ જેટલો ભારે વરસાદ પડ્યો છે. સૌરાષ્ટ્રના ગોંડલ પંથકમાં પણ મેઘરાજા મહેરબાન રહ્યા છે અને ત્યાં 2.50 ઇંચ વરસાદ નોંધાયો છે. આ ઉપરાંત માંગરોળમાં 2 ઇંચ અને પાદરામાં 1.75 ઇંચ વરસાદ પડવાથી જનજીવન પ્રભાવિત થયું છે. 

 છેલ્લા બે કલાકમાં 12 તાલુકાઓમાં એક ઇંચથી વધુ વરસાદ નોંધાયો છે. જેમાં બારડોલી અને મહુવામાં 1.50-1.50 ઇંચ, વલસાડના વાપી અને પારડીમાં પણ 1.50-1.50 ઇંચ વરસાદ પડ્યો છે. ઉમરગામમાં 1.25 ઇંચ અને ચીખલીમાં 1.02 ઇંચ વરસાદ નોંધાતા વાતાવરણમાં ઠંડક પ્રસરી ગઈ છે. નદી-નાળાઓમાં નવા નીર આવ્યા છે, જે આગામી સમયમાં સિંચાઈ માટે ખૂબ જ ઉપયોગી સાબિત થશે. વહીવટી તંત્ર દ્વારા પણ ભારે વરસાદની સંભાવનાને પગલે સાવચેતીના ભાગરૂપે એલર્ટ આપવામાં આવ્યું છે. નીચાણવાળા વિસ્તારોમાં રહેતા લોકોને સુરક્ષિત રહેવા સૂચના આપવામાં આવી છે.