વલસાડના વાપીના ચલા વિસ્તારમાં મનપા સંચાલિત સ્પોર્ટ્સ ક્લબ ઓફ વાપીમાં સ્વિમિંગ દરમિયાન દુર્ઘટના સર્જાઈ હતી. દમણ એન્જિનિયરિંગ કોલેજમાં અભ્યાસ કરતી 20 વર્ષીય અંશુ કુમારીનું સ્વિમિંગ પુલમાં ડૂબી જવાથી મોત થયું છે. અંશુ કુમારી તરતા શીખવા માટે સ્વિમિંગ પુલમાં આવી હતી. દરમિયાન તે પાણીમાં ડૂબવા લાગતાં અન્ય વિદ્યાર્થીઓએ તેને બચાવવાનો પ્રયાસ કર્યો હતો, જોકે લાંબો સમય પાણીમાં રહેતાં તેનું મોત નીપજ્યું હતું. ઘટનાને પગલે પરિવારજનોમાં શોકનો માહોલ છવાયો છે. પરિવારજનોએ સ્પોર્ટ્સ ક્લબની બેદરકારીના કારણે અંશુ કુમારીનું મોત થયું હોવાનો આક્ષેપ કરી જવાબદારો સામે કાર્યવાહી કરવાની માંગ કરી છે.