સુરતમાં BRTS બસના સંચાલનમાં બેદરકારી બદલ તંત્રએ ત્રણ એજન્સીઓ સામે કડક કાર્યવાહી કરી છે. ડેપ્યુટી કમિશનર સ્મીત લોઢાએ JBM, હંસા ટ્રાવેલ્સ અને ઇવે ટ્રાન્સને નોટિસ ફટકારી છે. JBM એજન્સીને દંડની નોટિસ આપવામાં આવી છે, જ્યારે હંસા ટ્રાવેલ્સને રૂ.50 લાખ અને ઇવે ટ્રાન્સને રૂ.1.90 લાખના દંડની નોટિસ ફટકારવામાં આવી છે. બસની અનિયમિતતા, ઓછી ટ્રીપ અને વારંવાર બ્રેકડાઉન જેવી સમસ્યાઓને લઈને આ કાર્યવાહી કરવામાં આવી છે. એજન્સીઓની બેદરકારીના કારણે મુસાફરોને હાલાકી ભોગવવી પડતી હોવાની ફરિયાદો ડેપ્યુટી કમિશનર સુધી પહોંચતા તંત્ર હરકતમાં આવ્યું હતું. હવે ત્રણેય એજન્સીઓ સામે નોટિસ આપી જવાબદારી નક્કી કરવાની કાર્યવાહી હાથ ધરવામાં આવી છે.