વડોદરામાં દિવાળી પહેલા આઘાતજનક સમાચાર સામે આવ્યા છે. શહેરમાં નરસિંહજીની પોળ વિસ્તારમાં એક પરિવારે સામુહિક આપઘાત કર્યો છે. સોની પરિવારના 3 સભ્યોએ સામૂહિક આપઘાત કર્યો છે. બનાવની જાણ થતા જ પોલીસ સહિતનો કાફલો ઘટનાસ્થળે દોડી આવ્યો હતો. જોકે, આ ઘટના પાછળનું કારણ હજુ સુધી જાણવા મળ્યું નથી. પોલીસ આ મામલે તપાસ કરી રહી છે.

વડોદરામાં માતાએ બે સંતાનો સાથે સામુહિક આપઘાત કર્યો છે. 47 વર્ષીય માતાએ પુત્ર અને પુત્રી સાથે આપઘાત કર્યો હતો. માંડવી વિસ્તારમાં આ કરૂણાંતિકા સર્જાઇ હતી.

, દોઢ વર્ષ અગાઉ આ પરિવારના મોભી ચેતનભાઈ સોનીનું નિધન થયું હતું અને આજે જ સ્વર્ગીય ચેતન સોનીનો જન્મદિવસ હોવાનું પરિવારના મિત્રોએ જણાવ્યું છે. પિતાના જન્મદિવસે જ પરિવારના બાકીના સભ્યોએ આત્મહત્યા કરી લેતા અનેક તર્ક-વતર્ક વહેતા થયા છે.

આ ઘટના અંગે મૃતકોના ફેમિલી મિત્ર જીગ્નેશ સોનીએ જણાવ્યું હતું કે, પરિવારને કોઈપણ પ્રકારની આર્થિક સંકળામણ કે મુશ્કેલી ન હતી. તેમનું આર્થિક પરિભ્રમણ સામાન્ય હતું, છતાં આ પરિવારએ આવું અચાનક કેમ પગલું ભર્યું તે અત્યારે સૌ કોઈ માટે નવાઈ અને રહસ્યની વાત બની ગઈ છે. પરિવારના નજીકના લોકો પણ આ દુર્ઘટનાથી સ્તબ્ધ થઈ ગયા છે.