અમદાવાદના બાપુનગર વિસ્તારમાં નશીલા પદાર્થો સામેની કાર્યવાહી દરમિયાન SOGએ મોટી સફળતા મેળવી છે. મળતી માહિતી મુજબ રેહાન મસ્જિદ સામે આવેલા તૂટેલા મકાનમાંથી અંદાજે 8 કિલોગ્રામ જેટલો ગાંજો જપ્ત કરવામાં આવ્યો છે, જેની બજાર કિંમત 4 લાખ રૂપિયાથી વધુ ગણાય છે. આ કેસમાં મહમદ તાહિર અને કરણ કોકુલવાર નામના બે શખ્સોની ધરપકડ કરવામાં આવી છે. પોલીસ તપાસમાં જાણવા મળ્યું છે કે બંને આરોપીઓનો પહેલાથી જ ગુનાહિત ઈતિહાસ છે. સમગ્ર મામલે વધુ તપાસ શરૂ કરવામાં આવી છે.