ગાંધીનગર સ્થિત નવા સચિવાલયમાં ફરી એકવાર સાપ જોવા મળ્યો હતો. સચિવાલયના ગેટ નંબર-1 પાસે સાપ દેખાતા તાત્કાલિક રેસ્ક્યૂ ટીમને જાણ કરવામાં આવી હતી. ટીમે સ્થળ પર પહોંચી સાપને પકડીને સુરક્ષિત રીતે જંગલ વિસ્તારમાં મુક્ત કર્યો હતો. મળતી માહિતી મુજબ આ સાપ ઝેરી ખડચીતરો પ્રજાતિનો હોવાનું જાણવા મળ્યું છે. નોંધનીય છે કે અગાઉ પણ સચિવાલય પરિસરમાં 2થી 3 વખત સાપ નીકળવાના બનાવો બની ચૂક્યા છે, જેના કારણે કર્મચારીઓમાં થોડી ચિંતા જોવા મળી રહી છે.