સાબરકાંઠા જિલ્લાના ઈડર તાલુકાના ગ્રામ્ય વિસ્તારોમાં ડીઝલની અછત ગંભીર બનતાં ખેડૂતો મુશ્કેલીમાં મુકાયા છે. ચોમાસું નજીક આવતા ખેડૂતોએ વાવણી પૂર્વેની તૈયારીઓ શરૂ કરી છે, પરંતુ પૂરતા પ્રમાણમાં ડીઝલ ન મળતાં ખેતીકાર્ય પર સીધી અસર પડી રહી છે. રતનપુર સહિત અનેક ગામોમાં ટ્રેક્ટરો અને કૃષિ યંત્રોના પૈડા ધીમા પડી ગયા છે. ખેડૂતોએ આરોપ લગાવ્યો છે કે પેટ્રોલપંપ પર પૂરતું ડીઝલ ઉપલબ્ધ નથી, જેના કારણે રોજિંદી ખેતી કામગીરી અટવાઈ રહી છે.