તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
રાજ્યમાં છેલ્લા ત્રણ દિવસથી સર્વર ખોટકાયું: RTOમાં વાહનોની દોઢ લાખ અરજી અટવાઈ
NIC, વાહનવ્યવહાર વિભાગ અને RTOના વાંકે જનતા પરેશાન : અમદાવાદ સહિત ગુજરાતના ૪૦૦૦ ડીલરોમાં રોષઃ નવી કારનું રજિસ્ટ્રેશન ઠપ
અમદાવાદ,તા.૧૪: અમદાવાદ સહિત રાજ્યભરની RTO કચેરીઓમાં છેલ્લા ત્રણ દિવસથી સર્વર ખોટકવાના લીધે જૂના-નવા વાહનોની દોઢ લાખ અરજીઓ અટકી પડી છે. રાજ્યની ૩૯ ય્વ્બ્માં જૂના વાહન ટ્રાન્સફર, વાહન પર લોન દાખલ, લોન કેન્સલ, અન્ય રાજ્યના વાહનો સહિત નવા વાહનોની રોજની સરેરાશ ૧૫૦૦ અરજીઓ આવે છે. સર્વર વારંવાર ચાલુ-બંધ થવાને કારણે વાહન ડીલરો, ટ્રાન્સપોર્ટરો અને સામાન્ય જનતામાં ભારે રોષ જોવા મળી રહ્યો છે. NIC, વાહનવ્યવહાર વિભાગ અને RTO ના વાંકે જનતા પરેશાન હોવા છતાં વિભાગના ઉચ્ચ અધિકારીઓ ચૂપકિદી સેવી રહ્યા છે. નવી કારનું રજિસ્ટ્રેશન અને RTO પક્રિયા અટકી પડતા કરોડોનું ટર્નઓવર પણ ખોરવાતા અમદાવાદ સહિત ગુજરાતના ૪૦૦૦ ડીલરોમાં રોષ જોવા મળી રહ્યો છે.
રાજ્યના વાહન ડીલરોએ નામ નહીં આપવાની શરતે કહ્યું કે, અમદાવાદના નાના-મોટા ૪૦૦ મળી રાજ્યના ૪૦૦૦થી વધુ વાહન ડીલરો હાલ લાચારી અનુભવી રહ્યા છે. ગ્રાહકો પાસેથી એડવાન્સ પેમેન્ટ લીધા હોવા છતાં સર્વર ઠપ્પ હોવાથી ઓનલાઈન ફી ભરી શકાતી નથી કે નવા ટુ-વ્હીલર કે કારનું રજિસ્ટ્રેશન થઈ શકતું નથી. હાઈ સિકયુરિટી રજિસ્ટ્રેશન પ્લેટ (HSRP) વગર વાહન રસ્તા પર ઉતારી શકાતું નથી, જેના કારણે વાહનોનો ખડકલો થઈ રહ્યો છે. ડીલર એસોસિએશનના સભ્યોના જણાવ્યા મુજબ, એક વાર ડેટા એન્ટ્રી કર્યા બાદ સર્વર હેંગ થઈ જતા ઘણાં ડીલરોના કર્મચારીઓએ
મોડી રાત સુધી ફરીથી એ જ મહેનત કરવી પડે છે. ય્વ્બ્ કચેરીઓમાં વારંવાર રજૂઆત કરવા છતાં માત્ર 'ટૂંક સમયમાં સુધારો થશે' તેવા પોકળ આશ્વાસનો આપવામાં આવે છે. ફત્ઘ્ (નેશનલ ઇન્ફોર્મેટિકસ સેન્ટર) ના સર્વરમાં ખામી છે કે સ્થાનિક લેવલે, તે સ્પષ્ટ થતું નથી. સર્વરની સમસ્યાને લઈને વાહન ડીલરો હોય કે ય્વ્બ્ના અધિકારીઓ, કોઈ સહન કરી શકતા નથી અને જાહેરમાં બોલી શકતા પણ નથી.
૧૦ વાર OTP નાખો ત્યારે માંડ લોગઈન થાય
RTOના કર્મચારીઓ પણ આ ટેકનિકલ ખામીથી કંટાળી ગયા છે. સર્વરમાં લોગઈન કરવા માટે ૧૦-૧૦ વખત OTP નાખવા પડે છે. ત્યારે માંડ લોગઈન થાય છે. એક તરફ કામનું ભારણ અને બીજી તરફ અરજદારોનો ગુસ્સો, આ બંને વચ્ચે કર્મચારીઓ સેન્ડવીચ બની રહ્યા છે. બુધવારે સવારે અમદાવાદ RTOમાં વાહન ટ્રાન્સફરની અરજી બાબતે અરજદાર અને કર્મચારી વચ્ચે ઉગ્ર બોલાચાલીના દશ્યો પણ સર્જાયા હતા.
પરમિટના અભાવે પ્રવાસન પર અસર
ઉનાળાની વેકેશન સીઝન ચાલતી હોવાથી ટુરિસ્ટ વાહનોની માંગ વધુ છે. જોકે, સર્વર ખોટકાયેલું હોવાથી ટ્રાન્સપોર્ટરો નવી પરમિટ કઢાવી શકતા નથી. પરિણામે, પ્રવાસીઓ અન્ય વિકલ્પો પસંદ કરી રહ્યા છે, જેનાથી સ્થાનિક ટ્રાન્સપોર્ટ વ્યવસાયને મોટું આર્થિક નુકસાન થઈ રહ્યું છે.
(9:59 AM IST)
છેલ્લા 8 દિવસમાં સૌથી લોકપ્રિય 
