સાબરકાંઠાના હિંમતનગરમાં ભારે વરસાદને પગલે સાબરમતી નદી બે કાંઠે વહેતી થતાં ધસમસ્તા પ્રવાહ વચ્ચે એક ટ્રેક્ટર પાણીમાં તણાઈને ગરકાવ થઈ ગયું હતું. તંત્ર દ્વારા નદીના પટમાં કે બે કાંઠે ન જવા માટે વારંવાર અપીલ કરવામાં આવી હોવા છતાં, લોકો પોતાના જીવના જોખમે ગેરકાયદેસર રીતે રેતી ખનન કરી રહ્યા છે, જેના કારણે આ હોનારત સર્જાઈ હતી. પૂરના પાણીનો પ્રવાહ એટલો ઝડપી હતો કે ક્ષણભરમાં જ રેતી ભરતું ટ્રેક્ટર નદીના ઊંડા પાણીમાં ગરકાવ થઈ ગયું હતું.