નર્મદા જિલ્લાના ગરુડેશ્વર તાલુકાના ઝરીયા ગામે ધસમસતા પાણીના પ્રવાહમાં એક યુવક ફસાઈ જતાં વહીવટી તંત્ર અને સ્થાનિક ગ્રામજનોએ તાત્કાલિક બચાવ કામગીરી હાથ ધરી હતી. સંયુક્ત પ્રયાસોથી યુવકને સલામત રીતે પ્રચંડ પાણીના પ્રવાહમાંથી બહાર કાઢવામાં આવ્યો હતો. આ સફળ રેસ્ક્યૂ ઓપરેશનની મુખ્યમંત્રી ભૂપેન્દ્ર પટેલે સોશિયલ મીડિયા પર પોસ્ટ કરીને પ્રશંસા કરી હતી. તેમણે તંત્રની સતર્કતા અને ગ્રામજનોની એકતાને આપત્તિ સમયે ઉત્તમ સંકલન અને જનસહભાગિતાનું ઉત્કૃષ્ટ ઉદાહરણ ગણાવ્યું હતું.