ગાંધીનગર, : ગુજરાતમાં મેઘરાજાના હેત વચ્ચે દક્ષિણ ગુજરાત બાદ હવે હવામાન વિભાગ દ્વારા ઉત્તર ગુજરાત માટે રેડ એલર્ટ જાહેર કરવામાં આવ્યું છે, જેના પગલે પાટણ, મહેસાણા અને બનાસકાંઠા સહિતના સરહદી વિસ્તારોમાં ભારેથી અતિભારે વરસાદની સંભાવનાને ધ્યાનમાં રાખીને વહીવટીતંત્ર દ્વારા અત્યાર સુધીમાં ૪૨,૦০০થી વધુ નાગરિકોનું સુરક્ષિત સ્થળે સ્થળાંતર કરવામાં આવ્યું છે.

પરિસ્થિતિની ગંભીરતાને પારખીને મુખ્યમંત્રીએ ગાંધીનગર સ્થિત સ્ટેટ ઇમરજન્સી ઓપરેશન સેન્ટર ખાતેથી ઉચ્ચસ્તરીય સમીક્ષા બેઠક યોજી હતી અને તમામ જિલ્લા કલેક્ટરોને 'ઝીરો કેઝ્યુઆલિટી'ના અભિગમ સાથે બચાવ ટીમોને સ્ટેન્ડબાય રાખવા તથા પૂરગ્રસ્તોને યુદ્ધના ધોરણે રોકડ અને ઘરવખરી સહાય ચૂકવવાની પ્રક્રિયા સઘન બનાવવા કડક નિર્દેશો આપ્યા છે.

વરસાદની આ અતિભારે આફત વચ્ચે રાજ્યના જળાશયોમાં નવા પાણીની જંગી આવક થતાં કુલ ૫૩.૧૪ ટકા જેટલો જળસંગ્રહ થઈ ચૂક્યો છે, જ્યારે તંત્ર દ્વારા નાગરિકોને નદી અને નાળાથી દૂર રહેવા અને સતત સાવચેત રહેવાની ખાસ અપીલ કરવામાં આવી છે