વલસાડ જિલ્લામાં સ્થાનિક સ્વરાજની ચૂંટણીનું મતદાન શાંતિપૂર્ણ રીતે પૂર્ણ થયું છે, જેમાં સરેરાશ 72% થી વધુ ભારે મતદાન નોંધાયું છે. મતદાન બાદ રાજ્યના નાણાં મંત્રી કનુભાઈ દેસાઈએ આશાવાદ વ્યક્ત કર્યો હતો કે, વલસાડ જિલ્લા સહિત સમગ્ર ગુજરાતમાં ભાજપનો વિજય થશે. તેમણે વાપી મનપા અને જિલ્લા-તાલુકા પંચાયતોમાં ભાજપ ફરી સત્તા પર આવશે તેવો દાવો કરતા પક્ષના અગ્રણીઓ સાથે બેઠક યોજી જીતની સમીક્ષા કરી હતી.