( ભારત શાહ દ્વારા )  રાજપીપલા ગાયત્રી પરિવાર તરફથી શૈક્ષણિક વર્ષ શરુ થતા દર વર્ષની જેમ પ્રાથમિક શાળાના બાળકોને સ્કૂલબેગનું વિતરણ કરવામાં આવ્યું હતું .

   પ્રાપ્ત માહિતી મુજબ રાજપીપલા ગાયત્રી પરિવાર તરફથી અત્રે નાના લીમટવાડા ગામની પ્રાથમિક શાળાના બાળકોને Dy DDO રણજીતસિંહ કટારીયાના હસ્તે સ્કૂલબેગનું વિતરણ કરવામાં આવ્યું હતું તેમજ આ પ્રસંગે શાળાના પટાંગણમાં વૃક્ષારોપણ કરવામાં આવ્યું હતું .

 આ પ્રસંગે નાયબ જિલ્લા વિકાસ અધિકારીએ બાળકોને ખંત અને મહેનત કરવાની શીખ આપી પર્યાવરણ જાળવણીની ટિપ્સ આપી હતી .આ કાર્યક્રમમાં ગાયત્રી પરિવારના ચંદુલાલ મારવાડી , પ્રવીણભાઈ પ્રજાપતિ , ભગવાનદાસ પરમાર સહીત મોટી સંખ્યામાં ગ્રામજનો ઉપસ્થિત રહ્યા હતા .