વડોદરા :સંસ્કારી નગરી વડોદરામાં લાંબા સમયના અસહ્ય ઉકળાટ અને કાળઝાળ ગરમી બાદ આખરે મેઘરાજાનું ધમાકેદાર આગમન થયું છે. વડોદરા શહેરમાં ગાજવીજ અને તેજ પવન સાથે વરસાદની ધમાકેદાર શરૂઆત થઈ છે. શહેરના અલગ-અલગ વિસ્તારોમાં પવનના સુસવાટા સાથે અમી છાંટણાં શરૂ થયા બાદ ધોધમાર વરસાદ તૂટી પડ્યો હતો, જેના કારણે શહેરભરમાં સાર્વત્રિક વરસાદ નોંધાયો છે.

છેલ્લા કેટલાક દિવસોથી અસહ્ય ગરમી, બફારા અને ઉકળાટનો સામનો કરી રહેલા સ્થાનિક લોકોને આ પ્રથમ વરસાદથી બહુ મોટી રાહત મળી છે. લાંબા સમયની પ્રતીક્ષાનો અંત આવતા જ સમગ્ર પંથકનું વાતાવરણ એકદમ આહલાદક અને ખુશનુમા બની ગયું છે.