પંચમહાલ જિલ્લાના ગોધરા શહેર અને આસપાસના ગ્રામ્ય વિસ્તારોમાં ભારે પવન સાથે વરસાદ તૂટી પડ્યો હતો. પવનની ગતિ વધુ હોવાના કારણે ગોધરાના કેટલાક વિસ્તારોમાં વીજ પુરવઠો સંપૂર્ણપણે ખોરવાઈ ગયો હતો. ભરૂચ જિલ્લાના જંબુસર તાલુકાના કાવી કંબોઈ સ્થિત સ્તંભેશ્વર દરિયાકાંઠે ભારે પવન ફૂંકાવાને કારણે દરિયો તોફાની બન્યો હતો. દરિયાકાંઠાના વિસ્તારોમાં પવન સાથે ત્રાટકેલા વરસાદને કારણે સ્થાનિક ખેડૂતોમાં પાકને નુકસાન થવાની ચિંતા પણ જોવા મળી રહી છે.