સાબરકાંઠાના પ્રાંતિજમાં યુવકની હત્યાનો ભેદ પોલીસે ઉકેલી નાખ્યો છે. લીમલા નજીક કારમાંથી ખાનગી બેંક મેનેજર ભરત ચૌધરીની લાશ મળી આવી હતી. પોલીસ તપાસમાં પૈસાની લેતીદેતીમાં પ્રેમી યુગલે હત્યા કરી હોવાનું સામે આવ્યું છે. લોન પેટે લીધેલા રૂ. 6 લાખ પરત ન આપવા પડે તે માટે ભરત ચૌધરીની હત્યા કરાઈ હોવાનું ખુલ્યું છે. આ કેસમાં પોલીસે ભાવના ઠાકોરની ધરપકડ કરી છે, જ્યારે તેના પ્રેમી યોગેશ ઠાકોરની શોધખોળ હાથ ધરવામાં આવી છે. પોલીસે હત્યા પાછળનું ચોક્કસ કારણ, ઘટનાક્રમ અને અન્ય સંડોવણી અંગે વધુ તપાસ શરૂ કરી છે.