વડાપ્રધાન નરેન્દ્રભાઈ મોદીના 76મા જન્મદિવસથી તેમની 25 વર્ષની જાહેર સેવા પૂર્ણ થવાના અવસર પર વડનગરથી વારાણસી સુધીની એક ઐતિહાસિક બાઇક રેલીનું આયોજન કરવામાં આવ્યું છે.  ગૃહમંત્રી અમિતભાઈ શાહ આ બાઇક રેલીને પ્રસ્થાન કરાવશે, જેમાં 10 અલગ-અલગ રૂટ પરથી 25 જેટલી બાઇક અને 250 જેટલા સહભાગીઓ જોડાડાશે. આ યાત્રા 10 રાજ્યો, 193 જિલ્લાઓ અને 1159 જેટલા ગામડાઓ પસાર થઈને આગામી 7 ઓક્ટોબરે જાહેર સેવા પૂર્ણતા દિવસે વારાણસી પહોંચશે. યાત્રા દરમિયાન માર્ગમાં આવતી પવિત્ર નદીઓ અને જળાશયોમાંથી જળ એકત્રિત કરવામાં આવશે, જેમાંથી કાશી વિશ્વનાથ મંદિર ખાતે જળાભિષેક કરવામાં આવશે.