અમદાવાદઃ નાના ચિલોડા વિસ્‍તારમાં સ્‍ટેટ મોનિટરિંગ સેલ અને સ્‍થાનિક પોલીસની સતર્કતા વચ્‍ચે પીસીબીએ  ચંદીગઢથી વાયા અમદાવાદ થઈ નડિયાદ તરફ જઈ રહેલા એક ટ્રકને આંતરી  અંદાજે ૮૭.૬૭ લાખની કિંમતનો મુદ્દામાલ જપ્ત કર્યો છે.

ટેલિવિઝન સેટના ઓઠા હેઠળ છુપાવવામાં આવેલી વિદેશી દારૂની ૨૫,૬૦૮ બોટલો મળી આવતા પોલીસ તંત્ર પણ ચોંકી ઉઠ્‍યું હતું. આ મામલે ટ્રક ચાલક કમલસિંગ યાદવની સ્‍થળ પરથી ધરપકડ કરવામાં આવી છે, જ્‍યારે આ નેટવર્ક સાથે જોડાયેલા અન્‍ય ચાર શખ્‍સો હાલ ફરાર હોવાનું સામે આવ્‍યું છે.

 પકડાયેલા ડ્રાઈવરની પૂછપરછમાં આ માલ નડિયાદના કયા બુટલેગર સુધી પહોંચાડવાનો હતો તે દિશામાં તપાસ તેજ કરવામાં આવી છે. પોલીસે હાલમાં ફરાર ચાર આરોપીઓને પકડવા માટે અલગ-અલગ ટીમો બનાવી છે અને ટેકનિકલ સર્વેલન્‍સની મદદ લેવામાં આવી રહી છે.