સુરતના સારોલીમાં કાપડના વેપારી સાથે રૂપિયા 1.24 કરોડથી વધુની છેતરપિંડી કરનારા બે ઝડપાયા છે, સારોલી પોલીસે આરોપી લલિતકિશન સાઢ અને રામશરણ યાદવને ઝડપી પાડ્યો છે . આરોપીઓએ વેપારી પાસેથી નાની રકમનો કાપડનો જથ્થો ખરીદી સમય પર પેમેન્ટની ચુકવણી કરી દેતા હતા. આ રીતે સતત વ્યવહાર કરતા હતા અને વિશ્વાસ કેળવી લેતા હતા અંતે મોટી રકમમાં કાપડનો જથ્થો ખરીદી સમય પર પેમેન્ટની ચુકવણી ન કરી ફરાર થઈ ગયા હતા. હાલ પોલીસે બંને આરોપીઓને ઝડપી આગળ કાર્યવાહી હાથ ધરી છે.