આણંદ જિલ્લામાં ભારે વરસાદની આગાહી અને હવામાન વિભાગ (IMD) દ્વારા જાહેર કરાયેલા રેડ એલર્ટને પગલે ૨૪ જુલાઈ અને ૨૫ જુલાઈના રોજ તમામ શાળા-કોલેજો બંધ રાખવાનો આદેશ આપવામાં આવ્યો છે. વિદ્યાર્થીઓની સુરક્ષાને ધ્યાનમાં રાખીને જિલ્લા મેજિસ્ટ્રેટ પ્રવીણ ચૌધરી દ્વારા આ મહત્વપૂર્ણ નિર્ણય લેવાયો છે

તમામ આંગણવાડીઓ, સરકારી અને પ્રાઈવેટ પ્રાથમિક શાળાઓ, માધ્યમિક અને ઉચ્ચતર માધ્યમિક શાળાઓ, ITI તેમજ તમામ કોલેજોમાં શૈક્ષણિક કાર્ય સંપૂર્ણપણે બંધ રહેશે

જિલ્લા વહીવટી તંત્રના આ જાહેરનામાનો ભંગ કરનાર શૈક્ષણિક સંસ્થા સામે ભારતીય ન્યાય સંહિતા (BNS) ની કલમ-૨૨૩ હેઠળ શિક્ષાત્મક પગલાં લેવામાં આવશે